Mamlakatimiz islohotlarida ham yoshlarimiz ongida madaniy-ma’naviy qadriyatlarimiz bilan birga nuroniylarni, millatimiz jonkuyarlarini e’zozlash, ularning holidan xabar olish va g’amxo’rlik ko’rsatish kabi go’yalarni singdirish yetakchi o’rindadir. Qalbida ma’naviy barkamollik, millatga xurmat tuyg’usi bor har bir inson millat tarixi, ma’naviy qadriyatlarini chuqur anglaydi va ajdodlarning millat va yurtning porloq kelajagi uchun ko’rsatgan jasoratlarini qadriga yetadi. Zero, tarixiy xotira bilan yashash, ajdodlarga ehtirom ko’rsatish insoniylik fazilatlari ichida eng ulug’idir.

O’zbekiston Milliy kutubxonasining  kichik majlislar zalida 7-may kuni “Xotira va qadrlash kuni” munosabati bilan “Xotira abadiy - qadr muqaddas” 

shiori ostida uchrashuv bo’lib o’tdi. Tadbirda shoir Shukur Qurbon, Toshkent Davlat Pedagogika Universiteti o’qituvchilari O.Ohunova, T.Yusupova, G.Eshjonova, Toshkent Arxitektura- qurilish instituti o’qituvchisi E.Qosimov hamda  “Iqtidor” yoshlar klubining a’zolari ishtirok etishdi.