Hurmatli foydalanuvchilar!

O‘zbekiston Milliy kutubxonasining Skanerlash va raqamlashtirish xizmati tomonidan “O‘zbek tili va adabiyoti” jurnalining 1958 yildan 2013 yilgacha hamda “O‘zbekistonda ijtimoiy fanlar” jurnalining tashkil topgan kunidan (1961 yil) shu bugungi kungacha chop etilgan sonlarining to‘liq elektron shakli PDF formatida yaratildi. Jurnal arxividan kutubxonaning O‘qish zallarida foydalanishingiz mumkin.

2014 yil 24 sentyabr kuni Alisher Navoiy nomidagi O‘zbekiston Milliy kutubxonasida katta yoshlilar ta'limi masalasini mutasaddi tashkilotlar vakillari bilan hamkorlikda muhokama qilish, 2011 yilgi Milliy Forum natijalarini baholash, shu sohadagi xalqaro tendensiyalar bilan tanishish, O‘zbekistonda katta yoshlilar ta'limi istiqbollari ni belgilash maqsadida “O‘zbekistonda katta yoshlilar ta'limi: islohotlar va istiqbollar” mavzusida YUNESKO anjumani o’z ishini boshladi.

2014 yil 30 sentabr kuni Tozalik kuni deb e’lon qilinganligini va ushbu kun Milliy kutubxona foydalanuvchilarga xizmat ko‘rsatmasligini ma’lum qilamiz.

2014 yil 23 sentyabr kuni “Turkiston” saroyida  MIT.UZ-  Milliy internet tanlovining taqdirlash marosimi o‘tkazildi.
Yoshlarini sog‘lom axborot muhitiga moslashtirish maqsadida  tashkil etilayotgan MIT.UZ  - Milliy internet tanlovida Alisher Navoiy nomidagi O‘zbekiston Milliy kutubxonasi  “O‘zbekistonning boy madaniyati va san'ati, tarixi hamda istiqlol g‘oyalari va ma'naviy qadriyatlarni aks etgan eng yaxshi sayt” nominatsiyasida birinchi o‘rin egalladi va qimmatli sovg‘alar bilan taqdirlandi.
 

    2014 yil 23 sentyabr kuni Alisher Navoiy nomidagi O‘zbekiston Milliy kutubxonasining Kichik majlislar zalida mazkur kutubxona nashriyotida chop etilgan  kitoblar taqdimoti bo‘lib o‘tdi. Taqdimotda nashriyotimizda dunyo yuzini ko‘rgan adabiy, ilmiy va badiiy asarlar to‘g‘risida muloqot tashkil etilib, unda taniqli adiblar Tohir Malik, Mirpo‘lat Mirzo, Vafo Fayzulloh, Zuhriddin Isomiddinov, Sayyora Bekmirzayeva va Adiba Umirova va boshqa yozuvchilar  ishtirok etishdi.
 

2014 yil 23 sentyabr kuni soat 15:00da O‘zbekiston Milliy kutubxonasining kichik majlislar zalida kutubxonada chop etilgan  kitoblar haqida “Mutolaa saodati” deb nomlangan taqdimot bo‘lib o‘tadi. Unda nashriyotimizda mustaqillik davrida dunyo yuzini ko‘rgan quyidagi adabiy, ilmiy va badiiy asarlar to‘g‘risida kitobxonlar bilan muloqot tashkil etiladi.