17.03.2014

O‘zbekiston Respublikasi Vazirlar Mahkamasining 2013 yil 23 dekabrdagi 868-f-sonli farmoyishi “Central Asia. Fan, ta'lim, madaniyat va biznesda internet va kutubxona-axborot resurslari” mavzusida 8-xalqaro konferensiyasini o‘tkazish” (1-ilovasi bilan tasdiqlangan “O‘zbekiston Respublikasida 2014 yilda o‘tkaziladigan xalqaro ilmiy va ilmiy-texnikaviy anjumanlar rejasi”ning 3-bandiga asosan) rejalashtirilgan.
 

O‘zbekiston Milliy kutubxonasi 2014 yilning 22 - 26 aprel kunlari Qarshi shahrida “Central Asia - 2014  Fan, ta'lim, madaniyat va biznes sohalarida internet va kutubxona-axborot resurslari” mavzusida VIII Xalqaro konferensiyasini o‘tkazadi. 
 

Konferensiyani o‘tkazishdan asosiy maqsad - fan, ta'lim, madaniyat va biznes sohalarida elektron axborot resurslarini qo‘llash va rivojlantirishda axborot-kutubxona muassasalari, o‘quv yurtlari, arxivlar, muzeylar va boshqa tashkilotlar o‘rtasida ta'sirchan hamda samarali hamkorlikni faollashtirish.
 

Mahalliy mutaxassislar uchun konferensiyada qatnashish badali 120 000 so‘m, horijiy mehmonlar uchun 350 AQSH dollari miqdorida  O‘zbekiston Republikasi Milliy bankining davlat kursi bo‘yicha belgilangan.