07.02.2014

Buyuk shoir va mutafakkir Alisher Navoiy tavalludining 573 yilligi munosabati bilan Madaniyat va sport ishlari  vazirligi tomonidan O‘zbekiston Yozuvchilar uyushmasi, Respublika Ma'naviyat targ‘ibot markazi, Badiiy akademiya, «Kamolot» yoshlar ijtimoiy harakati va boshqa ko‘plab davlat va jamoat tashkilotlari bilan hamkorlikda «Turkiston» san'at saroyida «Nazm va navo kechasi» o‘tkazildi. 



Kechada Alisher Navoiy nomidagi O‘zbekiston Milliy kutubxonasi kitob-rasmli ko‘rgazma bilan ishtirok etdi. Ko‘rgazmada Milliy kutubxonaning Nodir nashrlar fondida saqlanayotgan Alisher Navoiyning 19 ta qo‘lyozma va toshbosma asarlari, ilk bora chop etilgan va shu kungacha qayta nashr etilgan kitoblarining to‘liq to‘plami, buyuk mutafakkirga va uning asarlariga bag‘ishlab yozilgan kitoblar hamda dunyoning turli tillariga tarjima qilingan asarlari namunalari namoyish etildi.