12.12.2013

2013 yil 12 dekabr kuni O`zbekiston Milliy kutubxonasida “Umidvorlik” nogiron bolalarga va ularning ota-onalariga yordam berish markazi hamkorligida “Hunarmandchilik ustaxonasi – imkoniyati cheklangan yoshlarni birlashtirishning shakli sifatida” mavzuiga bag`ishlangan ma’lumot-axborot uchrashuvining yakunlariga bag`ishlangan tadbir bo’lib o’tdi. Ta`kidlash joizki, mazkur markaz ijtimoiy notijorat tashkilot bo’lib, nogiron farzandlarini tarbiyalayotgan ota-onalar tashabbusi bilan tashkil etilgan. Tadbirni o’tkazishdan ko’zlangan asosiy maqsad mehnat va kasbiy mahoratni rivojlantirish orqali nogiron yosh avlodni ijtimoiylashtirishdan iborat.



Tadbirda  20 dan ziyod ijtimoiy soha mutaxassislari, Respublika bolalar ijtimoiy moslashuv markazi vakillari, “Moxir qo`llar” loyihasi rahbarlari, nogiron o`smirlar, “Muruvvat” bolalar uyining tarbiyalanuvchilari va pedagoglari  ishtirok etdilar.