O‘zbekiston Milliy kutubxronasi “Adolat” o‘quv zalida O‘zbekiston madhiyasi 22 yilligi munosabati bilan qo‘rgazma tashkil etildi. Ko‘rgazmadagi qitoblar va risolalar "O‘zbekiston Respublikasining davlat madhiyasi to‘g‘risida"gi Qonun 1992 yil 10 dekabrda O‘zbekiston Respublikasi Oliy Kengashining o‘n birinchi sessiyasida qabul qilingani, O‘zbekiston Respublikasining Davlat madhiyasi O‘zbekiston Respublikasi Davlat suverenitetining ramzi ekani va unga ehtirom bilan qarash har bir fuqaroning vatanparvarlik burchi ekanini yana bir bor yodga soladi.

O‘zbekiston Milliy kutubxonasi “Tafakkur” o‘quv zalida O‘zbekiston Respublikasi Konstitutsiyasi qabul qilinganligining 22 yilligiga bag‘ishlangan kitoblar ko‘rgazmasi bo‘lib o‘tmoqda.

2014 yil 3 dekabr kuni Alisher Navoiy nomidagi O‘zbekiston Milliy kutubxonasi majlislar zalida O‘zbekiston Respublikasi Konstitutsiyasi qabul qilinganligining 22 yilligiga bag‘ishlangan yig‘ilish bo‘lib o‘tdi. Yig‘ilishda Milliy kutubxona direktori A.Xodjayev barcha ishchi va xodimlarni Konstitutsiyamizning 22 yilligi bilan tabrikladi va uning har bir fuqaro hayotida tutgan beqiyos o‘rni, mamlakatimiz osoishtaligi va ravnaqi, jamiyat farovonligi kafolati ekanligini ta’kidlab o‘tdi.

O‘zbekiston Milliy kutubxonasining fondi Fuqarolik jamiyati shakllanishini monitoring qilish mustaqil institutining axborot-tahliliy faoliyati kompleks dasturini tadbiq etish doirasida «Xalq deputatlari mahalliy kengashlaridagi siyosiy partiyalar guruhlari faoliyatini tashkil etish», «Siyosiy partiyalar boshlang‘ich tashkilotlari faoliyatini tashkillashtirish masalalari bo‘yicha», «Zamonaviy saylov texnologiyalari va ularni O‘zbekiston sharoitida qo‘llash imkoniyatlari», «Siyosiy partiyalardagi tashkiliy ishlar va kadrlar bilan ishlash», «O‘zbekiston Respublikasi Oliy Majlisi Qonunchilik palatasi va xalq deputatlari maxalliy Kengashiga saylov o‘tkazishni tashkil etish va saylovlarni o‘tkazish davrida partiyalarning saylov shtablari faoliyati masalalari bo‘yicha» nomli o‘zbek va rus tillaridagi metodik qo‘llanmalari bilan to‘ldirildi.

O‘zbekiston Respublikasi Konstitutsiyasi qabul qilinganligining 22 yilligi munosabati bilan 2014 yil 4 dekabr kuni Alisher Navoiy nomidagi O‘zbekiston Milliy kutubxonasi majlislar zalida O‘zbekiston XDP Markaziy Kengashi tomonidan «O‘zbekiston Respublikasi Konstitutsiyasi-mamlakat taraqqiyoti va jamiyat farovonligining huquqiy kafolati» mavzusida davra suhbati o‘tkazildi.

Milliy kutubxona kitob muzeyida navbatdagi Markaziy Osiyo xalqlari tarixiga oid kitoblar ko‘rgazmasi boshlandi. Ushbu mavzudagi kitoblar namoyishi joriy yilning 1 dekabridan 31 dekabriga qadar davom etadi.
Ko‘rgazma tarix, etnografiya, geografiya va boshqa fanlar uchun muhim bo‘lgan, asosan XIX asrda nashr etilgan kitoblardan tashkil topgan. Muzeyga kitoblarni tanlashda ularning ilmiyligi, tarixiy hamda haqqoniyligiga e’tibor qaratildi.
Ko‘rgazmada Markaziy Osiyo xalqlari tarixini o‘rganishga katta hissa qo‘shgan V.V. Bartold, A.F. Middendorf, N.Ya. Bichurin, Sh.E. de-Uyfalvi, A.K. D'Osson, E.D. Ross va boshqa taniqli olimlarning asarlari o‘rin olgan.