2012 yilda O‘zbekiston Milliy kutubxonasiga a’zo bo‘lgan foydalanuvchilar

O‘zbekiston Milliy kutubxonasining kitob muzeyida buyuk sarkarda,  davlat arbobi, sohibqiron Amir Temur va uning avlodlariga bag‘ishlangan qadimiy kitoblar ekspozitsiyasi o‘rin egalladi.
Mazkur kollektsiyaga  XVIII asr boshi va XX asr o‘rtalarida nashr etilgan adabiyotlar kiritildi. Amir Temurning jang san’ati, xarbiy yurishlari va g‘alabalari haqida hikoya qiluvchi bu ekspozitsiyada fors tilidan ingliz tiliga Uilyam Diveyn tomonidan tarjima qilingan, 1783 yilda toshbosma usulida chop etilgan “Temur tuzuklari”, L-M.Lyangle tomonidan Amir Temur hayoti haqida so‘zlovchi,1890 yilda chop etilgan “Temur hayoti”, Fransua Peti de lya Kroa tomonidan fors tilidan frantsuz tiliga o‘girilgan, 1723 yilda nashr etilgan  Sharofiddin Ali Yazdiyning “Zafarnoma” 4 jildlik asari va shu kabi kitoblar ham namoyish etilgan.

23-27 martgacha Kataloglashtirish va turkumlashtirish xizmati tomonidan 309 ta yangi nomdagi axborot resurslari qabul qilinib, ro‘yxatdan o‘tkazildi.
Shulardan 134 ta kitob (quydagi sohalar bo‘yicha turkumlash-tirildi: siyosat - 57 ta, tibbiyot - 4 ta, ta'lim va madaniyat - 11 ta, badiiy adabiyotlar - 21 ta, texnika - 7 ta, san'at - 12 ta, adabiyotshunoslik - 3 ta, tabiiy fanlar - 14 ta, q.x. - 1 ta, tilshunoslik - 2 ta, ma'lumot-axborot adabiyotlari - 2 ta), 175 ta avtoreferatlar (siyosat - 48 ta, tibbiyot - 33 ta, texnika - 17 ta, tabiiy fanlar - 12 ta, ta'lim va madaniyat - 13 ta, q.x. - 11 ta, falsafa - 4 ta,  tilshunoslik - 9 ta, adabiyotshunoslik - 12 ta ) texnik va ilmiy ishlov berilib, bibliografik tavsifi to‘ldirilib, kitobxonlar foydalanishi uchun kitob fondini va davriy nashrlarni saqlash xizmatiga topshirildi.

2015 yil 27 mart kuni “Ijod” o‘qish zalida 1961 yildan buyon har yili 27 mart kuni nishonlanib kelayotgan teatr sohasi vakillarining xalqaro kasb bayrami - Xalqaro teatr kuni munosabati bilan kitob-rasmli ko‘rgazma ochildi.
“Teatr –hayot demak...” deb nomlangan kitob-rasmli ko‘rgazmada milliy va jahon teatr san’ati, uning fidoiy namoyondalari va bu soha sir-asrorlari haqida hikoya qiluvchi kitoblar, rasmlar, gazeta va jurnallar o‘rin olgan.
1961 yilda YuNESKO huzuridagi Xalqaro teatr instituti IX kongressida ta’sis etilgan mazkur bayram yagona “Teatr xalqlar hamjihatligi va do‘stligini mustaxkamlash vositasi sifatida” shiori ostida nishonlanadi. Bu – hayotini teatr bilan chambarchas bog‘lagan barcha fidoiy insonlar: aktyorlar, rejissyorlar, chiroq va tovush ustalari, sahna bezagi ustalari, hatto, bilet sotuvchilar va garderobchilar bayramidir, zero, “Teatr ilgakdan boshlanadi”.

1 aprel kuni kutubxona foyesida “Xalqaro kulgi kuni” ga bag‘ishlangan rasmlar ko‘rgazmasi;
2 aprel kuni soat 15:00 da kichik majlislar zalida rassom Xusan Sodiqov bilan ijodiy uchrashuv va “Istiqbol” zalida “Xalqaro bolalar kitobi kuni” ga bag‘ishlangan kitoblar ko‘rgazmasi;
3 aprel kuni soat 15:00da majlislar zalida rejisser Doniyor Shokirovning «Sen haq bo‘lsang» nomli xujjatli filmining taqdimoti;
6 aprel kuni soat 15:00da kichik majlislar zalida falsafa fanlari doktori, akademik Omonulla Fayzullayevning 94 yilligiga bag‘ishlangan xotira kechasi;
7 aprel kuni soat 15:00da kichik majlislar zalida O‘zbekistonda xizmat ko‘rsatgan san’at arbobi Mahkam Mahametov bilan ijodiy uchrashuv;