O‘zbekiston Milliy kutubxonasi kitob muzeyidagi ekspozitsiya yangilandi.
O‘zbekiston Milliy kutubxonasining kitob muzeyida XX asr boshlarida qatag‘onlikka uchragan milliy ma’rifatchilikning atoqli namoyondalari ishtirok etgan nashrlar ekspozitsiyasi o‘rin egalladi. 
Mazkur ekspozitsiyaga XX asr boshlarida nashr etilgan gazeta va jurnallar kiritildi. Unda jadidchilik harakatining asoschilari Mahmudxo‘ja Behbudiy, Abduqodir Shukuriy, Ajziy, Munavvarqori Abdurashidxonov, Abdulla Avloniy, Ubaydullaxo‘ja Asadullaxo‘jaev, Toshpo‘latbek Norbo‘tabekov, Fitrat, Elbek, Fayzulla Xo‘jaev, Usmonxo‘ja Po‘latxo‘jaev, Abdulvohid Burxonov, Sadriddin Ayniy, Abdulqodir Muhiddinov, Obidjon Mahmudov, Xamza, Cho‘lpon, Is’hoqxon Ibrat, Muhammadsharif So‘fizoda, Polvonniyoz hoji Yusupov, Bobooxun Salimov va boshqalarning tarixiy ma’lumotlari, she’rlari, maqolalari, badiiy asarlari va boshqa turli materiallari o‘rin olgan. 

Hurmatli foydalanuvchilar!

2015 yil 28 aprel kuni O‘zbekiston Milliy kutubxonasida «Jahon adabiyoti durdonalari» kitobi taqdimoti bo‘lib o‘tdi. 
Tadbirda O‘zbekiston xalk yozuvchisi Muhammad Ali, sos.f.d. professor Abdusalom Umarov, jurnalist va yozuvchi Xurshid Do‘stmuhammad, tarjimon Mahkam Mahmud, jurnalist va tarjimon Erkin Ernazarov, shoir Shukur Qurbon, Fransiya, Yaponiya va Shveysariya elchixonalari vakillari, shuningdek, O‘zbekiston davlat jahon tillari universiteti va Toshkent davlat sharqshunoslik instituti o‘quvchilari va talabalari ishtirok etdilar.
Kitobda Jan-Batist Poklen Moler, Jan de Lafonten, Jan-Jak Russo, Onore de Balzak, Kobo Abe kabi jahon klassik adabiyoti namoyondalarining shoh asrlari jamlangan. Kitobda mashhur adiblar asarlarining o‘zbek tiliga tarjimasidan tashqari ularning qisqacha biografiyasi, xikmatli so‘zlari, ular hayoti va ijodi xronologiyasi va asarlarining bibliografiyasi berilgan.

2015 yil 22-24 aprel kunlari Toshkentda “Fan, ta’lim, madaniyat va biznesda axborot- kutubxona resurslari - Central Asia – 2015” IX Xalqaro anjumanini bo‘lib o‘tdi. Konferensiya har yili O‘zbekiston Milliy kutubxonasi tomonidan Oliy Majlis Senati va Qonunchilik palatasi, Vazirlar Mahkamasi, O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, Oliy va o‘rta maxsus ta’lim vazirligi, Xalq ta’limi vazirligi va madaniyat va sport ishlari vazirligi hamkorligida o‘tkazilib kelinadi. 
Anjuman maqsadi – fan, ta’lim, madaniyat va biznes sohalarida elektron axborot-resurslarini qo‘llash va rivojlantirishda axborot-kutubxona muassasalari, o‘quv yurtlari, arxivlar, muzeylar va boshqa tashkilotlar o‘rtasida ta’sirchan hamda samarali hamkorlikni faollashtirish.

2015 yil 22 aprel kuni O‘zbekiston Milliy kutubxonasida “Central Asia – 2015” “FAN, TA’LIM, MADANIYaT VA BIZNESDA AXBOROT- KUTUBXONA RESURSLARI” IX Xalqaro anjumani o‘z ishini boshladi. 
Anjuman maqsadi – fan, ta’lim, madaniyat va biznes sohalarida elektron axborot-resurslarini qo‘llash va rivojlantirishda axborot-kutubxona muassasalari, o‘quv yurtlari, arxivlar, muzeylar va boshqa tashkilotlar o‘rtasida ta’sirchan hamda samarali hamkorlikni faollashtirish.
Konferensiyaning birinchi kunida axborot-kutubxona makoni rivojlanishida kutubxonalarning tutgan o‘rni va ahamiyati, axborot-kutubxona faoliyatining ilm-fan, madaniyat va ta’limni rivojlantirishdagi roli va ahamiyati, axborot-kutubxona muassasalarining nashriyotlar, arxivlar va muzeylar bilan hamkorligi, axborot-kutubxona muassasalari foydalanuvchilarining mutolaa madaniyati, axborot madaniyati va media savodxonligini shakllantirish masalalariga bag‘ishlangan sho‘ba majlislari bo‘lib o‘tdi.