2015 yil 6 may  kuni “Tafakkur”  o‘qish zalida  9-may Xotira va qadrlash kuniga bag‘ishlangan “Avlodlar qalbida xotira abadiy” deb nomlangan  kitob-rasmli ko‘rgazma ochildi.
Ko‘rgazmada o‘zbek xalqi o‘g‘lonlarining fidokorona jasoratlari, janglarda ko‘rsatgan qahramonliklari, mehribon singillar va vafodor ayollarning front orti jobozliklari va jangohlarda o‘g‘illarini yo‘qotgan mushtipar onalarning motamlari aks ettirilgan asarlar va fotosuratlar o‘rin olgan.
Shuningdek, ko‘rgazmada jang maydonlarida bitilgan, askarlarning qahramonliklarini madh etuvchi badiiy asarlar va publitsistik qaydlar, she’rlar va hikoyalar o‘rin olgan. 

2015 yil 6 may kuni O‘zbekiston Milliy kutubxonasida 9-may-Xotira va qadrlash kuni munosabati bilan “Xotira-abadiy, qadr-muqaddas” mavzusida tadbirlar tashkil etildi. Tadbirlar doirasida O‘zbekiston Respublikasi Oliy va o‘rta maxsus ta’lim vazirligi qoshidagi ZiyoNET bo‘limi bilan hamkorlikda “O‘tganlar yodi bu...” deb nomlangan davra suxbati va “Xotira-muqaddas” videofilmi namoyishi, “Tafakkur” zalida esa “Avlodlar qalbida xotira abadiy” nomli kitob-rasmli ko‘rgazma bo‘lib o‘tdi.
“O‘tganlar yodi bu...” deb nomlangan davra suxbatini O‘zbekiston Yozuvchilar uyushmasi a’zosi, shoir Shukur Qurbon olib bordi. Unda O‘zbek Milliy Akademik teatri aktrisasi, O‘zbekistonda xizmat ko‘rsatgan artist Gavhar Zokirova, O‘zbekiston Yozuvchilar uyushmasi a’zosi, yozuvchi Erkin Samandar, O‘zbekistonda xizmat ko‘rsatgan quruvchi Ro‘zimboy Jumanazarov  O‘zbekiston davlat jahon tillari universiteti, Toshkent davlat sharqshunoslik instituti talabalari va Shayxontohur o‘quv-davolash kolleji o‘quvchilarilari va kutubxona foydalanuvchilari ishtirok etdilar.

2015 yil 5 may kuni O‘zbekiston Milliy kutubxonasida O‘zbekistonda xizmat ko‘rsatgan fan arbobi, adabiyotshunos olim, f.f.d., professor Hamid Sulaymonov tavalludining 105 yilligiga bag‘ishlangan adabiyotlar ko‘rgazmasi ochildi.
Hamid Sulaymonov 1910 yil 5 maya kuni Toshkentning Kamolon mahallasida dunyoga kelgan. Kinematografiya davlat institutini tamomlagach O‘rta Osiyo universiteti pedagogika fakulteti negizida tashkil etilgan Toshkent pedagogika institutida dars berdi. 1941-1945 yilarda Toshkentga ko‘chirilgan SSSR FA jahon adabiyoti instituti aspiranturasini tamomlagan. U o‘z hayotini O‘zbekistonning qo‘lyozma boyliklarini topish va ularni tiklashga bag‘ishladi, jamlangan shoir va mutafakkir Alisher Navoiy qalaimga mansub madaniy meros adabiyot muzeini tashkil etilishiga sabab bo‘ldi. H.Sulaymonovning asosiy ilmiy faoliyati A.Navoiy lirikasining tekstologik tadqiqotlariga bag‘ishlangan. Navoiy qo‘lyozmalarining bibliografiyasini yaratish  davomida u  dunyoning yirik kutubxonalarida saqlanayotgan “Badoe ul-bidoya” va “Navodir un-nixoya” devonlarining shoir Alisher Navoiga mansubligini isbotladi va ularni O‘zbekistonga keltirilishida katta rol o‘ynadi. 

2015 yil 4 may kuni O‘zbekiston Milliy kutubxonasida milliy ijtimoiy tarmoqlar faoliyatini va Internet tarmog‘idagi kontentni rivojlantirish bo‘yicha ijtimoiy tarmoqda muloqot qilish, yoshlarning media savodxonligini va ko‘ngilochar saytlardagi axborotlardan to‘g‘ri foydalanish etikasini shakllantirishga bag‘ishlangan seminar bo‘lib o‘tdi. O‘rta maxsus, kasb-hunar ta’limi markazi bilan hamkorlikda tashkil etilgan galdagi seminar “O‘quvchi-yoshlarning zamonaviy axborot texnologiyalari bilimlarini mukammal egallashlari uchun, darsdan tashqari vaqtlarda ta’lim muassasalarida maxsus to‘garaklar tashkil etish” mavzusiga bag‘ishlandi.
Toshkent axborot texnologiyalari kasb-xunar kolleji o‘quvchilari bilan bo‘lib o‘tgan mazkur seminarni Mirobod kompyuter texnologiyalari kasb-xunar kolleji muhandis-dasturlovchisi Tursunov Bahrom va Yunusobod kompyuter texnologiyalari kasb-xunar kolleji maxsus fan o‘qituvchisi Rahimov Akmallar o‘tkazdilar.

2015 yil 4 may kuni O‘zbekiston Milliy kutubxonasida xalqaro YuNISEF fotosuratchisi Djakomo Pirossining fotohavaskorlar uchun mahorat darslari bo‘lib o‘tdi.
O‘quvchi yoshlarlardan iborat fotohavaskorlar ishtirok etgan mazkur mahorat darslari bolalarni ijodiy fikrlashga, o‘zini aks ettirishga va ularda qobiliyat va talantni rivojlantirishga yo‘naltirilgan.
Italiyalik  fotosuratchi Djakomo Pirossi dovrug‘i o‘z mamlakati - Apennin yarim oroli sarhadlaridan ham uzoqlarga taralgan. Butun dunyoda uni rasmlari mavzusi va Afrika va Osiyo reportajlarining o‘ziga xosligidan tanib oladilar. Pirossi badiiy suratga olishni o‘rgatadi. Ko‘rgazmali qurol sifatida esa u o‘z rasmlaridan foydalanadi.