Mustaqillikka erishgach, O‘zbekiston o‘zligini, tarixiy an’analarini, milliy qadriyatlarini ifoda etuvchi, fuqarolarni yuksak mehnat yutuqlariga, sport g‘alabalariga va ilmiy yangiliklarga ruhlantiruvchi o‘z davlat mukofotlarini ta’sis etdi.
O‘zbekiston Respublikasi davlat mukofotlari - bu «O‘zbekiston Qaxramoni» unvoni («Oltin Yulduz» medali); «Mustaqillik» ordeni, «Amir Temur» ordeni, «Jaloliddin Manguberdi» ordeni, «Buyuk xizmatlari uchun» ordeni, «El-yurt hurmati» ordeni, «Fidokorona xizmatlari uchun» ordeni, «Mehnat shuhrati» ordeni; I va II darajali «Sog‘lom avlod uchun» ordeni, I va II darajali «Shon-sharaf» ordeni, «Do‘stlik» ordeni, «Jasorat» medali, «Sodiq xizmatlari uchun» medali, «Shuhrat» medali va 34ta faxriy unvonlardir.

Respublika yig‘ma elektron katalogda  yig‘ilgan bibliografik yozuvlar soni - 1 435 715 (2013-2015 yy.), 
Yig‘ma elektron katalog onlayn dasturida yuklangan bibliografik yozuvlar soni - 1 002 488,
Hozirgi kunda Respublika yig‘ma elektron katalog ishtirokchilar soni - 19.

2015 yil 28 avgust kuni O‘zbekiston Milliy kutubxonasida O‘zbekiston davlat san’at va madaniyat instituti mualliflar jamoasi tomonidan chop etilgan “Madaniyat va san’at atamalarining izohli lug‘ati” kitobining taqdimoti bo‘lib o‘tdi. Taqdimotda madaniyat va san’at sohasi mutaxassislari, tilshunoslar va kutubxona foydalanuvchilari ishtirok etdilar.
Taqdimot marosimida O‘zbekiston davlat Madaniyat va san’at instituti prorektori, san’atshunoslik fanlari nomzodi, dotsent Go‘zal Holiqulova o‘z kirish so‘zida bu kabi lug‘atning O‘zbekistonda birinchilar qatorida nashr etilayotganligi, uning dolzarbligi, lug‘at o‘z ichiga olgan atamalar, ixtisosiy terminlar, kasblar, mutaxassisliklar, ibora va tushunchalarning qo‘llanish ko‘lami va lug‘atni tayyorlashda o‘z xissasini qo‘shgan mualliflar jamoasi haqida so‘zladi.

2-5 sentabr kunlari  “Ochiq eshiklar kuni” tadbirlar turkumi tashkil qilinadi:

2015 yil 27 avgust kuni O‘zbekiston Milliy kutubxonasida “Kino olamiga sayohat” nomli kitob-rasmli ko‘rgazma va kutubxona kinomarkazida “Oltin to‘plam” fondidan o‘rin olgan o‘zbek milliy kinofilmlari namoyish etildi.
“Kino olamiga sayohat” ko‘rgazmasida taqdim etilgan kitoblar, gazeta va jurnallarda chop etilgan maqolalar o‘zbek kino san’atiga va uning fidoiy namoyondalariga bag‘ishlandi.  “Кино и художественная литература”, “Фильмы и годы”, “Сотворение фильма”, “Ulug‘lar orasida”, “Sahna va zamon” kitoblari mamlakatimizda kino san’atining paydo bo‘lishi, birinchi ommaviy kino namoyishlari, jahon kinematografiyasida yorqin iz qoldirgan birinchi o‘zbek kino aktyorlari haqida hikoya qiladi.

2015 yil 26 avgust kuni O‘zbekiston Milliy kutubxonasida O‘zbekiston Respublikasi mustaqilligining 24 yilligiga va Qatag‘on qurbonlarining xotirasiga bag‘ishlangan “Mustaqillik tog‘dek tayanchimiz, qudratli zaminimizdir” mavzusida adabiy-ma’rifiy uchrashuv bo‘lib o‘tdi. Unda “Shahidlar xotirasi” xayriya jamg‘armasi raisi N.Karimov, “Vatan” kinofilmi ijodkorlari Z.Musoqov, A.Ubaydullaev, R.Shodieva, B.Yo‘ldoshev, M.Sagdullaev, “Xavas” oilaviy musiqiy ansambl qatnashchilari, xalq ta’limi taassarufidagi axborot-kutubxona muassasalari mutaxassislari va kutubxona foydalanuvchilari ishtirok etdilar.