O'zbekiston Milliy kutubxonasida M.Ye.Saltikov-Shedrin tavalludining 190 yilligiga bag'ishlangan kitob ko'rgazmasi ochildi 2016 yil 27 yanvar kuni O'zbekiston Milliy kutubxonasida rus hajvchi yozuvchisi, publitsist M.Ye.Saltikov-Shedrin tavalludining 190 yilligiga bag'ishlangan kitob ko'rgazmasi ochildi. Ko'rgazmada “Otechestvenne zapiski” jurnali muharriri, yozuvchi M.Ye.Saltikov-Shedrin hayoti va ijodiga bag'ishlangan adabiyotlar namoyish etilgan.
Mixail Yevgrafovich Saltikov-Shedrin (haqiqiy familiyasi Saltkov, tahallusi "N.Shedrin") 1826 yil 27 yanvar kuni Tver guberniyasida tavallud topgan. Moskvadagi dvoryanlar institutida tahsil olayotgan davridan boshlab shoir maqomiga ega bo'lgan, davriy nashrlarda she'rlari bosilib chiqar edi. “Zaputannoe delo” deb nomlangan ilk qissasi 1848 yil mart oyida "Otechestvenne zapiski" jurnalida chop etilgan. Keyinchalik uning "Nevinne rasskaz" va "Satir v proze" deb nomlangan hikoyalar to'plami, "Istoriya odnogo goroda", "Poshexonskaya starina", "Priznaki vremeni", "Pisma iz provintsii", "Pompadur i Pompadurshi", "Gospoda Tashkentts", "Dnevnik provintsiala v Peterburge", “Blagonamerenne rechi" va bshq. romanlari dunyo yuzini ko'rdi. 
M.Ye.Saltikov-Shedrin tavalludining 190 yilligiga bag'ishlangan mazkur kitob ko'rgazmasida uning vorislari tomonidan nashrga tayyorlangan 10 jildlik asarlar to'liq to'plami, “Priznaki vremeni”, “Pisma iz provintsii”, “Pompadur i Pompadurshi”, “Gospoda Golovlyov”, “Sbornik”, “Poshexonskie rasskaz”, “Pyostre pisma” va “Melochi jizni” deb nomlangan hiqoya va romanlari joy olgan. Ko'rgazmada asosiy o'rin Saltikov-Shedrinning “Bir chol ikkita generalni ovqatlantirgani haqida qissa”, “Yovvoyi pomeshik”, “Voevoda mingan ayiq”, “Dudlangan vobla”, “Konyaga” kabi mashhur ertaklari kiritilgan ertaklar va hikoyalar to'plamiga ajratilgan. Shuningdek, ko'rgazmada buyuk rus xajvchi yozuvchisining badiiy merosini o'rganuvchi, uning asarlaridagi badiiy g'oyani, yozuvchining fikrini, ijodidigi epistolyar yo'nalishni ilmiy o'rganuvchi adabiyotlar ham o'rin olgan.
Rus hajvchi yozuvchisi Mixail Yevgrafovich Saltikov-Shedrinning 190 yilliga bag'ishlab qo'ylgan kitoblar ko'rgazmasiga tashrif buyurgan foydalanuvchilar yozuvchining ijodi, uning real g'oyalari, boy obrazlari, o'tkir so'zining kuchini yoritib beruvchi ilmiy-nazariy adabiyotlar va Saltikov-Shedrinning asarlari bilan yaqindan tanishdilar.

Oldin      Keyin