2016 yil 27 yanvar kuni O‘zbekiston Milliy kutubxonasida Milliy kutubxona huzuridagi Respublika metodik kengashining yig‘ilishi bo‘lib o‘tdi. Unda Respublika metodik kengashi a’zolari, Qoraqalpog‘iston Respublikasi, Farg‘ona, Surxondaryo viloyatlari hududiy Idoralararo kengashlari kotiblari, O‘zbekiston Milliy kutubxonasi xizmat rahbarlari ishtirok etdilar. 

Yg‘ilishda Respublika metodik kengashining 2016 yil Ish rejasi, “Central Asia - 2016. Fan, ta’lim, madaniyat va biznesda internet va kutubxona-axborot resurslari o‘rni” mavzusidagi X Xalqaro konferensiyasini o‘tkazish, Axborot-kutubxona muassasalari mutaxassislari uchun “Katalogizator maktabi”ni tashkil etish, Namunaviy hududiy axborot-kutubxona muassasalari faoliyatini joylarda o‘rganish va monitoringini yuritishni tashkil qilish va Idoralararo kengash qarorlarini bajarilishi holati bo‘ycha hisobotlarni eshitish jadvalini tasdiqlash masalalari ko‘rib chiqildi.

Qoraqalpog‘iston Respublikasi (I.Sharapova), Farg‘ona (Sh.Aslanov) va Surhondaryo (Sh.Xoliyorov) viloyatlari AKM direktorlari o‘z chiqishlarida hududlaridagi axborot-kutubxona muassasalari, axborot-resurs markazlari faoliyati, u yerda amalga oshirilgan uslubiy ishlar va ma’naviy-ma’rifiy tadbirlar haqida ma’lumot berdilar. Shuningdek, ular yig‘ilish qatnashchilarining savollariga javob berdilar.

Milliy kutubxona direktori A.Xodjaev 20-23 aprel kunlari o‘tkazilishi mo‘ljallanayotgan “Central Asia 2016. Fan, ta’lim, madaniyat va biznesda internet va kutubxona-axborot resurslari o‘rni” mavzusidagi 10-Xalqaro konferensiyasini o‘tkazish tayyorgarlik ko‘rish bo‘yicha axborot berdi.

Milliy kutubxona Kataloglashtirish va turkumlashtirish xizmati rahbari V.Borisov yig‘ilish qatnashchilariga axborot-kutubxona muassasalari mutaxassislari uchun “Katalogizator maktabi”ni tashkil etish loyihasini taqdim etdi va uning maqsadi, vazifalari, Maktabning tashkil etilishi va ishlashi tartibi va o‘qitish dasturi bilan tanishtirdi.

Milliy kutubxona direktori o‘rinbosari U.Teshabaeva Namunaviy hududiy axborot-kutubxona muassasalari faoliyatini joylarda o‘rganish va monitoringini yuritishni tashkil etish bo‘yicha hududlarda 3 kunlik axborot-kutubxona muassasasini sohaviy o‘rganish, unga metodik yordam ko‘rsatish bo‘yicha seminarlar tashkil qilish masalasi bilan yig‘ilish ishtirokchilariga murojaat etdi.

Muhokama qilingan masalalar bo‘yicha qarorlar qabul qilindi.