O‘zbekiston Milliy kutubxonasi fondi “FAYLASUFLAR” nashriyoti tomonidani 2015 yilda, 284 bet hajmda chop etilgan “Hikmat ummonining durlari” kitobi bilan boyitildi. To‘plovchi va so‘z boshi muallifi – yuridik fanlar doktori A.Saidov.

Kitobda “hikmatli so‘zlar” tushunchasiga ta’riflar berilgan va buyuk faylasuf-adiblar, olimlar, yozuvchilar, ijrodkorlar, siyosatchilarning hayotiy tajriba va donishmandliklari bayonini mujassam qilgan sitatalari keltirilgan.  Bu yerda XIII asrdan XX asrgacha bo‘lgan bo‘lgan davrda G‘arbu Sharq mamlakatlarida yashab ijod qilgan zabardast adiblarning hikmatlari tanlab olingan. Ularning donishmandligi, inson uchun muhim bo‘lgan oddiy voqea va hodisalarni, insoniy quvonchu ko‘ngilsizliklarni teran baholay olishlari barchani hayratga soladi.

To‘plamning birinchi jildida jahon adabiyotining yirik namoyondalari bo‘lmish 22 nafar g‘arb adiblarining chuqur ma’no kasb etgan, hayot va uning mohiyati hakidagi hikmatli so‘zlari, ularning kundalik tajribalaridan orttirgan tajriba va tamoillari jamlangan. Kitobda har bir yozuvchinig hayoti va ijodiga doir boy ma’lumot va xronologik tartibda hikmatli so‘zlari berilgan.

Mazkur kitob o‘tgan yuz yilliklarda yashab ijod qilgan buyuk insonlarining hikmatli so‘zlari va falsafiy fikrlariga qizikuvchi insonlarga mo‘ljallangan.