O‘zbekiston Milliy kutubxonasi fondi “Основные направления дальнейшей модернизации и повышения конкурентоспособности национальной экономики” (“Milliy iqtisodiyotni modernizatsiya qilish va uning raqobatbardoshligini oshirishning asosiy yo‘nalishlari”) kitobi bilan boyitildi. Adadi 150 nus’ha, hajmi 704 betdan iborat mazkur kitob Prognozlashtirish va makroiqtisodiy tadqiqotlar instituti tomonidan chop etilgan bo‘lib, unda 2015 yil 18 dekabr kuni Toshkentda bo‘lib o‘tgan VII O‘zbekiston iqtisodchilari anjumani materiallari jamlangan.

Anjuman materiallari makroiqtisodiy siyosat, barqaror o‘sish, yetakchi sohalarning raqobatbardoshligi oshirish, tizimni modernizatsiya qilish, innovatsion rivojlanish siyosati, bank-moliya tizimini takomillashtirish, ijtimoiy infrastuzilmani rivojlantirish va mavjud rezervlarni mobillashtirish  kabi masalalarga bag‘ishlangan asosiy tematik bo‘limlarda taqdim etilgan.

Materiallar to‘plamida iqtisodiyotchi-olimlar, OO‘Yu professor-o‘qituvchilari, tadqiqotchilar, magistrlar va iqtisodiyot sohasi mutaxassislarining ilmiy maqolalari va ma’ruzalari jamlangan. Ularda boy va mutaxassislar uchun qimmatli ma’lumotlar, hisoblash formulalari, jadvallar, grafiklar, diagrammalar va ilmiy asoslangan manbalarga tayangan iqtibozlar berilgan.