2016 yil 13 yanvar kuni O‘zbekiston Milliy kutubxonasi “Ijod” o‘qish zalida O‘zbekiston xalq artisti, davlat mukofotlari va unvonlari sohibi, professor, kinorejissyor va ssenarist Shuhrat Abbosov  tavalludining 85 yilligi munosabati bilan “Mahallada duv-duv gvp bo‘lgan rejissyor” deb nomlangan kitob-rasmli  ko‘rgazma ochildi.

Shuhrat Abbosov  1931 yilda Qo‘qonda tavallud topdi. 1958 yilda Toshkent teatr va rassomlik institutining rejissyorlik fakultetini tamomlagach “Mosfilm” kinostudiyasi qoshidagi oliy rejissyorlik kurslarida tahsil oldi. 1959 yildan buyon o‘zining mashhur va barchaga tanish “Mahallada duv-duv gap”, “Sen yetim emassan”, “Qalbingda quyosh”, “Toshkent-non shahri”, “Muhabbat mojarosi”, “Abu Rayhon Beruniy”, “Katta urushdagi kichik odam”, “Otamdan qolgan dalalar” filmlarini suratga olgan “O‘zbekfilm” kinostudiyasida mehnat qilib kelmoqda. San’atkor suratga olgan filmlarning ko‘pi o‘zbek kino san’atining oltin xazinasidan munosib o‘rin olgan va milliy kino san’atimizni dunyoga tanitgan. Bu filmlar xalqaro nufuzli kinofestivallarda yuksak baholanib yuksak mukofotlarga sazovor bo‘di.

Mashhur kinorejissyor va ssenarist Shuhrat Abbosov  tavalludining 85 yilligi munosabati bilan ochilgan “Mahallada duv-duv gap bo‘lgan rejissyor” deb nomlangan kitob-rasmli ko‘rgazmada Shuhrat Abbosov  biografiyasi va ijodi bilan tanishtiruvchi “O‘zbekiston san’atida inson omili”, “Sahna va zamon” kitoblari va Shuhrat Abbosovning ustozlari va zamondoshlarining iyuodiy yo‘li, o‘zbek kinematografiyasi yutuqlari va izdosh shogirdlarining milliy kino san’atiga qo‘shayotgan xissalari haqida hikoya qiluvchi fikrlari, intervyulari chop etilga “Sharq yulduzi”, “Jannat makon”, “San’at” jurnallari taqdim etilgan.