12.01.2016

Tadbirning maqsadi – yurtimizda ilm-fan sohasining aniq fanlar hamda texnika yo‘nalishida ulkan yutuq va natijalarni qo‘lga ikritgan har tomonlama iste’dodli yoshlarni qo‘llab quvvatlash. Shuningdek ular safiga O‘zbekiston ravnaqi yo‘lida o‘z xissasini qo‘shish istagida bo‘lgan fidoiy yoshlarimizni jalb etish.

Tadbirda fan olimpiadalarida, talabalar ilmiy anjumanlarida, xalqaro musobaqalarda fahrli o‘rin egallagan O‘zbekiston oliy o‘quv yurtlarida tahsil olayotgan talabalar sertifikatlar, esdalik va qimmatli sovg‘alar bilan taqdirlandilar.

So‘zga chiqqanlar hozirgi zamon yoshlarining ilmiy va ijodiy jabhadagi  yutuqlari, sport musobaqalaridagi zafarlari haqida gapirdilar. Bunda Al-Xorazmiy, Al-Beruniy, Ulug‘bek, Abu Nasr Al-Farobiy, Ibn Sino, Alisher Navoiy kabi o‘rta asr Sharq mutaqakkir olimlari tarixiy merosining ahamiyati va roli, yoshlarimiz ularning vorislari ekanligini anglash, ularga munosib avlod bo‘lib shakllanshi zarurligi aytildi, ularning kamol topishi uchun yaratilgan sharoitlar e’tirof etildi. O‘zbekiston davlat san’at va madaniyat instituti professori M.Bekmurodov bunday yuksak sharafga ega bo‘lgan barcha talabalarni muborakbod etdi va ularning umuminsoniy va milliy qadriyatlarimiz ruhida har tomonlama yetuk, barkamol shaxs bo‘lib yetishishida davlatimizning ko‘rsatayotgan g‘amho‘rliklarini ta’kidladi.

Iqtidorli yoshlarimiz vakillari tadbir tashkilotchilariga ularga ko‘rsatilgan e’tibor uchun o‘z minnatdorchilik bildirdilar va bundan buyon ham katta marralar sari intilib, O‘zbekiston ilm-fani ravnaqi va taraqqiyotiga o‘z munosib xissalarini qo‘shishga va’da berdilar.