2016 yil 8 yanvar kuni O‘zbekiston Milliy kutubxonasida “Tinchlik uchun kurashmoq kerak” mavzusida uchrashuv bo‘lib o‘tdi. O‘zbekiston Respublikasi Qurolli Kuchlari tashkil etilganining 24 yilligi hamda Vatan himoyachilari kuniga bag‘ishlab o‘tkazilgan mazkur tadbir  O‘zbekiston Respublikasi Qurolli Kuchlar akademiyasi va O‘zbekiston mudofaasiga ko‘maklashuvchi “Vatanparvar” tashkiloti Markaziy kengashi bilan hamkorlikda o‘tkazilgan mazkur tadbirda Qurolli Kuchlar akademiyasi tinglovchilari, serjantlar, muddatli harbiy xizmatchilar, Toshkent axborot texnologiyalari universiteti maxsus fakulteti kursantlari va kutubxona foydalanuvchilari ishtirok etdi.

Tabdir ishtirokchilari mamlakatimiz mudofaa qudratini mustahkamlash, xalqimizning tinch-osoyishta hayoti, sarhadlarimiz daxlsizligini ta’minlash borasida amalga oshirilayotgan izchil islohotlar haqida so‘zladilar.  berayotgani ta’kidlandi. O‘zbekiston Respublikasi  Oliy Majlisi Qonunchilik palatasi deputati Q.Jo‘raev “Xavfsizlik va tinchlik uchun kurashmoq kerak” mavzusidagi ma’ruzasida ogohlikni saqlash va xavfsizlikni ta’minlash Qurolli kuchlarimizning maqsadi ekanligini e’tirof etdi va to‘la ishonch bilan o‘zbek armiyasining yurtimizda tinchlik va barqarorlik kafolati, shuningdek, xarbiylar xarakterini shakllantirishda, ularning ma’naviy kamolotidagi cheksiz mavqeini ta’kidlab o‘tdi.

Uchrashuvda O‘zbekiston Respublikasi Adliya vazirligi qoshidagi yuristlar malakasini oshirish Markazi kafedra mudiri B.Toshev O‘zbekiston milliy xavfsizligini ta’minlashning huquqiy asoslari haqidagi ma’ruzasi bilan, O‘zbekiston Yozuvchilar uyushmasi a’zolari To‘ra Mirzo, Shukur Qurbon va 243-maktab 4-sinf o‘quvchisi yosh iste’dod sohibasi Munavara Erkinovalar o‘z qalamlariga mansub she’rlar bilan, O‘zbekiston mudofaasiga ko‘maklashuvchi “Vatanparvar” markazining birlashgan texnika maktabi o‘quvchilari o‘z chiqishlari bilan ishtirok etdilar. O‘zbekiston Respublikasi Qurolli Kuchlari markaziy ashula va raqs ansambli xonandalarining musiqiy chiqishi tadbirga bayramona tus berdi. 

Tadbirda dunyoda ro‘y berayotgan voqealar, ularning mamlakatimizga ko‘rsatayotgan ta’siri, tez o‘zgaruvchan xarbiy-siyosiy ahvol, bizning Qurolli Kuchlarimizdan ogohlik va harbiy tayyorgarlikni talab qiluvchi muqarrar xavflar haqida hikoya qiluvchi “Tinchlik uchun kurashmoq kerak” deb nomlangan hujjatli film namoyish etildi.

Tadbir doirasida O‘zbekiston Milliy kutubxonasida “Vatanga xizmat – muqaddas burch” mavzusida kitob-rasmli ko‘rgazma ochildi. Unda mehmonlar va kutubxona foydalanuvchilari e’tiboriga Qurolli Kuchlar vakillarining kundalik hayoti haqida hikoya qiluvchi kitoblar, harbiy sohada davlat siyosatini shakllantiruvchi qonuniy hujjatlar havola etilgan.

O‘zbekiston Milliy kutubxonasi matbuot xizmati

Oldin      Keyin