2016 yil 7 yanvar kuni soat 15:00da “O‘zbekiston” zalida  o‘zbek mumtoz adabiyoti vakili, shoir Mavlono Lutfiy tavalludining 650 yilligiga bag‘ishlangan “Karomatgo‘y shoir” mavzusida adabiyotlarning ochiq ko‘rgazmasi bo‘lib o‘tdi.

Lutfi 1366 yilda Hirotda tavallud topgan. Dunyoni ko‘rish va uni anglash maqsadida Markaziy Osiyo, Osiyo va Kavkaz bo‘ylab ko‘p sayohat qiladi. Lutfiy uqroviy bilimlarni o‘rganishni erta boshladi. O‘z davrining barcha shoirlari kabi u ham nafaqat fors balki turk tilida ham ijod qilar edi. Biroq uning forsiy she’rlari bizgacha yetib kelmagan. Faqatgina “Gul va Navro‘z” poemasi va betakror samimiyat bilan sug‘orilgan g‘azal va ruboiylari yetib kelgan. Ilg‘or qarashlar va turfa bilimlar sohibi Lutfiy zamonasining illatlariga jim qarab turolmas va ularni o‘z asarlarida fosh etar edi.  

U Alisher Navoiyning iqtidorli va iste’dodli o‘tmishdoshlaridan biri edi. Lutfiyning lirikasi u uchun tetapoya vazifasini o‘tadi. Alisher Navoiy ham o‘z o‘rnida uning turkiy va forsiy tillar bilimdoni sifatida “Malik al-kalom”, ya’ni “So‘z podshosi” deya e’tirof etar edi.

Ko‘rgazmada xissiyotlar yorqinligi va betakror  san’at durdonalari hisoblanmish g‘azal va ruboiylar o‘rin olgan. Ular nafaqat sevgi-muhabbatni, balki sadoqat, mehr va adolatni ham tarannum etadi. Shuningdek, ko‘rgazmada Lutfiy ijodi tematikasiga, uning lirikasida lingvistik komponentlarning qo‘llanilishi kabi mavzularga  bag‘ishlangan “Tafakkur”, “Til va adabiyot ta’limi”, “Pedagogik ta’lim” jurnallarida chop etilgan maqolalar ham taqdim etilgan.