Alisher Navoiy nomidagi O‘zbekiston Milliy kutubxonasi
  • Asosiy so’zlar
  • Kitob muallifi
O'zbekiston Milliy kutubxonasida “Eng faol foydalanuvchi – 2015” taqdirlash marosimi bo'lib o'tdi - Bo`limga qaytish


25.12.2015
2015 yil 25 dekabr kuni O'zbekiston Milliy kutubxonasida turli nominatsiyalar bo'yicha “Eng faol foydalanuvchi – 2015” tanlovining taqdirlash marosimi bo'lib o'tdi. 
Alisher Navoiy nomidagi O'zbekiston Milliy kutubxonasi 2015 yil davomida bir qator ijobiy natijalarga erishdi. Hususan, bugungi kunda kutubxona fondning umumiy soni – 7,1 mln.ga yaqin nusxani tashkil etadi. Milliy kutubxona foydalanuvchilarining umumiy soni - 125 736 kishini tashkil etdi. O'tgan davr mobaynida foydalanuvchilar tashrifi 755 ming marotabani tashkil etgangan bo'lsa, bundan 137 mingga yaqin tashrif kutubxonamiz veb-sayti orqali amalga oshirilgan. Kitob berishlar soni esa qariyb 5 mln.nusxani tashkil etdi.
Hisobot davrida Milliy kutubxonada 329 dan ortiq ma'naviy-marifiy tadbirlar o'tkazildi. Asosiy maqsadi, axborot-kutubxona sohasi mutaxassislarini zamonaviy talablar va xizmat ko'rsatish turlari bilan tanishtirish, foydalanuvchilar o'rtasida faollikni oshirish, mutolaa madaniyatini yuksaltirish, axborot-kutubxona resurslaridan keng foydalanish, kutubxonada tashkil qilinayotgan tadbirlar ko'lamini kengaytirish va albatta O'zbekiston Milliy kutubxonasi foydalanuvchilari sonini oshirishdan iborat bo'lgan “Central Asia-2015” xalqaro konferentsiyasi va “INFOLIB” IV Milliy axborot-kutubxona haftaligi keng ko'lamda o'tazildi.
 
 
“Eng faol foydalanuvchi-2015” tanlovining taqdirlash marosimida kutubxona foydalanuvchilari orasida eng ko'p tashrif buyurgan, kitoblarga, dissertatsiyalarga, gazeta va jurnallarga buyurtma berganlar soni sarhisob etildi, shuningdek o'zining tashabbuskorligi va faolligi bilan aloxida ajralgan foydalanuvchilar ham alohida baholandi.
 
 
Tanlov yakunlari natijalariga ko'ra 
- “Eng ko'p tashrif buyurgan foydalanuvchi” nominatsiyasida O'zbekiston davlat jahon tillari universiteti qoshidagi akademik litsey 2- bosqich o'quvchisi Munira Ibragimova;
- “Kitoblarga eng ko'p buyurtma bergan foydalanuvchi” nominatsiyasida O'zbekiston Milliy universiteti o'zbek filologiyasi fakulteti 4-bosqich talabasi Maftuna Normatova;
- “Gazeta va jurnallarga eng ko'p buyurtma bergan foydalanuvchi” nominatsiyasida O'zbekiston davlat san'at va madaniyat instituti 2-bosqich magistranti Shohruh Abdurasulov;
- “Ilmiy ishlarga eng ko'p buyurtma bergan foydalanuvchi” nominatsiyasida Temur Jo'raev;
- “Eng faol va tashabbuskor foydalanuvchi” nominatsiyasida O'zbekiston Milliy kutubxonasi qoshidagi chet tillarni rivojlantirish va ommalashtirish “YS” markazi treneri Aziz Tojievlar g'olib deb topildi.
 
 
Barcha g'oliblar O'zbekiston Milliy kutubxonasining esdalik sovg'alari bilan mukofotlandilar.
Oldin      Keyin
Yangi adabiyot va kitoblar
  • Yangi kelgan adabiyotlar (2016 yil 9-11 mart)
  • Yangi kelgan adabiyotlar (2016 yil 29 fevral – 5 mart)




 

natlib.uz Sizga manzurmi




Natijalar