2015 yil 24 dekabr kuni v O‘zbekiston Milliy kutubxonasida “Keksa avlod huquqlarini himoya qilish – bizning burchimiz” mavzusida davra suhbati va “Keksalar huquqlarini himoya qilishga oid xalqaro shartnomalar va O‘zbekiston Respublikasi Qonun hujjatlari to‘plami”ning taqdimotini bo‘lib o‘tdi.  Respublika “Nuroniy” jamg‘armasi bilan hamkorlikda o‘tkazilgan tadbirda Qonunchilik palatasi deputatlari, vazirlik va idoralarning, davlat va jamoat tashkilotlarining vakillari, professor-o‘qituvchilar, talabalar va OAV vakillari ishtirok etdilar.

Davra suhbatida “Keksalarni qadrlash va e’zozlash” yili munosabati bilan qabul qilingan Davlat dasturidagi vazifalardan kelib chiqib ishlab chiqilgan keksa yoshdagi shaxslarning huquq va manfaatlarini himoya qilishga qaratilgan qonunchilikni takomillashtirish loyihasi muhokama qilindi. Shuningdek, keksalarga oid qonunchilik va uni qo‘llash amaliyotini takomillashtirishga va bu yo‘nalishdagi xalqaro tajribaga  alohida e’tibor qaratildi. 

Davra suhbatida so‘zga chiqqanlar amaldagi va yangi qabul qilingan qonunlar, sohada qabul qilinayotgan me’yoriy-huquqiy hujjatlar to‘g‘risida gapirdilar. Respublika “Nuroniy” jamg‘armasi raisi E.J.Boqiboev “Keksalarni qadrlash va e’zozlash” yilida keksalarimizning sog‘lig‘i, ijtimoiy va moddiy himoyasi va davlat ko‘magining huquqiy me’yorlari, bu borada erishilgan yutuqlar va amalga oshirilayotgan chora-tadbirlarga to‘xtaldi.

Tadbir doirasida va “Keksalar huquqlarini himoya qilishga oid xalqaro shartnomalar va O‘zbekiston Respublikasi Qonun hujjatlari to‘plami”ning taqdimoti bo‘lib o‘tdi. Demokratiya va inson huquqlari instituti va O‘zbekiston Respublikasi adliya vazirligi huzuridagi yuristlar malakasini oshirish Markazi tomonidan tayyorlangan mazkur to‘plam nafaqaho‘rlar huquqlari bilan shug‘ullanuvchi mutaxassislar, keksalar, olimlar, yuristlar, tadqiqotchilar, talabalar va keng kitobxonlar ommasiga mo‘ljallangan.