2015 yil 21 dekabr kuni O‘zbekiston Milliy kutubxonasida Faylasuflar Milliy jamiyati bilan hamkorlikda “Abu Nasr Farobiy va hozirgi zamon” mavzusida  ilmiy-ma’rifiy seminar bo‘lib o‘tdi. Tadbirda faylasuflar, tarixchilar, Toshkent arxitektura-qurilish instituti professor-o‘qituvchilari, talabalari va kutubxona foydalanuvchilari  ishtirok etdilar.  

Tadbirni ochar ekan, Imom al-Buxoriy xalqaro markazi direkori, t.f.n. Shovosil Ziyodov o‘tkazilayotgan tadbirningi mohiyati, uning O‘zbekiston Milliy kutubxonasida o‘tkazilishining ahamiyati va zamonamiz yoshlarining tarbiyasida tutgan o‘rnini alohida ta’kidlab o‘tdi. “Al-Farobiy fenomeni fanda haligacha o‘rganilayotgan jumboqlardan biridir.  Uning ilmiy yo‘nalishlari turlicha bo‘lganligi natijasida, o‘zi yashagan davrda taraqqiy etgan fanlarni sanab bergan va har bir fanning o‘rganish sohasini tadqiq qilgan "Fanlar tasnifi” risolasi vujudga kelgan”, dedi Sh.Ziyodov.

“Al-Farobiy Sharqning buyuk qomusshunos olimi” mavzusidagi ma’ruzasida f.f.d., professor Baxtiyor Turaev al-Farobiyning chet tillarni o‘rganish qobiliyati va uning tarjima sohasida amalga oshirgan ishlari haqida hikoya qildi. “Uning qo‘lyozmalari dunyoning ko‘pgina kutubxonalarida saqlanmoqda. Al-Farobiyning boy qomusiy merosi esa olimlarning ilmiy tadqiqotlarida beminnat yordamchi sifatida foydalanilib kelinmoqda”, dedi B.Turaev.

Seminarda, shuningdek, O‘zbekiston Milliy univeriteti dotsenti, f.f.n. Dilbar Fayzixo‘jaeva “Abu Nasr Farobiyning mantiq fani rivojiga qo‘shgan xissasi” mavzusida va Toshkent davlat texnika universiteti professori, f.f.d. Baxtiyor Karimov “Abu Nasr Farobiy merosi va jahon sivilizatsiyasi rivoji” mavzusida ma’ruzalar qildilar. Ular o‘z ma’ruzalarida al-Farobiyningintellektual merosi, uning jahon  fani rivojiga qo‘shgan xissasi, hozirgi kunda ham o‘z ilmiy tasdig‘ini topayotgan uning ta’limoti va falsafiy asarlari