Xudoyberdi Tuxtaboev 1932 yil 17 dekabrda tug‘ilgan. Ota-onasidan juda erta yetim qolgan Xudoyberdi bobo-buvisining qo‘lida tarbiya topdi. 1949 yilda Qo‘qon pedagogika bilim yurtini, 1955 yilda esa Toshkent Davlat universitetini tamomladi. Mehnat faoliyatini Fargona viloyati tuman maktabida o‘qituvchisi sifatida boshlab, keyinchalik ilmiy bulim mudiri va maktab direktori bulib ishladi. Gazetalarda 300 dan ortiq feletonlar e’lon kildi, nashriyotlarda, "Guliston", "Sharq yulduzi", "Gulxan", "G‘uncha", "Yosh kuch" jurnallarida faoliyat ko‘rsatdi. 1958 yilda uning "Sir ochildi", "Sexrli qalpoqcha" nomli kitoblari nashr qilindi. Keyinchalik adibning "Omonboy va Davronboy", "Sariq devni minib", "Sariq devning o‘limi", "Yillar va yullar" kabi mashxur romanlari dunyoga keldi.

X.To‘xtaboev adabiy qahramonlari quvnoq va sho‘x, kitobxonni og‘ir vaziyatlarda o‘zini tutish, sinovlarni mardona yengib o‘tib nurli manzillarga intilishga o‘rgatadi va ezgulikka yetaklaydi. Kitobxonni sir-sinoatlar bilan tanishtirish va katta hayotga yo‘llashda tarbiyaviy ahamiyatga ega. X.To‘xtaboevning o‘nlab asarlari jahonning juda ko‘p tillariga tarjima qilingan. Uning rus, ingliz, nemis, yapon va boshqa tillarga tarjima kilingan va chet davlatlarda chop etilgan “Sexrli qalpoqcha” romani o‘zbek bolalar adabiyotining sara namunasi sifatida dunyoga tanildi va dunyo bolalarining eng sevimli asarlaridan biriga aylandi.

Ko‘rgazmada X.To‘xtaboevning "Besh bolali yigitcha", "Qasoskorning oltin boshi", "Sexrgarlar jangi yoki shirin kovunlar mamlakatida", "Jannati odamlar”, “Yillar va yullar”, “Quyonlar saltanati” va o‘z ichiga “Qiz talashgan yigitlar” va “Qiz bolaga tosh otmang” deb nomlangan ikkita romanni olgan kitoblar o‘rin olgan.

Ko‘rgazmaga tashrif buyurganlar X.To‘xtaboev ijodi muhlislari uning qalamiga mansub hikoya, qissa va romanlar bilan yaqindan tanishish, ertaklar, sarguzashtlar va bolalikning beg‘ubor olamiga sayohat qilish imkoniyatiga va unutilmas taassurotlarga ega bo‘ladilar.