2015 yil 10 dekabr kuni O‘zbekiston Milliy kutubxronasining “Tafakkur” o‘qish zalida “Xalq qudrati mujassam qo‘shiq” deb nomlangan, O‘zbekiston Respublikasi madhiyasi tarixiga oid kitob-rasmli qo‘rgazma tashkil etildi. Ko‘rgazma "O‘zbekiston Respublikasining davlat madhiyasi to‘g‘risida"gi Qonun qabul qilinganligining 23 yilligi munosabati bilan tashkil etildi. Ko‘rgazmani tashkil etishdan maqsad, yosh avlodni milliy an’analarimiz, umuminsoniy qadriyatlarga hurmat-ehtirom, ona Vatanga muhabbat, sadoqat ruhida tarbiyalashda madhiya alohida o‘ringa ega ekanligini, yurtimizningning eng ulug‘ qo‘shig‘ini e’zozlash, yod olish va baralla kuylash har bir yurtdoshimizning burchi ekanligi e’tirof etish.

Ko‘rgazmadagi qitoblar va risolalar "O‘zbekiston Respublikasining davlat madhiyasi to‘g‘risida"gi Qonun 1992 yil 10 dekabrda O‘zbekiston Respublikasi Oliy Kengashining o‘n birinchi sessiyasida qabul qilingani, O‘zbekiston Respublikasining Davlat madhiyasi O‘zbekiston Respublikasi Davlat suverenitetining ramzi ekani va unga ehtirom bilan qarash har bir fuqaroning vatanparvarlik burchi ekanini yana bir bor yodga soladi.

Ko‘rgazmaga tashrif buyurganlar bu yerdagi madhiyada aks ettirilgan qadriyatlar, uning yaratilishi va uning ijodkorlari O‘zbekiston xalq shoiri Abdulla Oripov va O‘zbekiston xalq artisti, kompozitor Mutal Burxonov hayoti va ijodi haqida hikoya qiluvchi kitoblar bilan tanishdilar. Shuningdek, foydalanuvchilar, madhiyalar qanday tarixga ega? nega madhiyalar davlat ramzlari hisoblanadi? madhiyalar qanday hollarda ijro etiladi? kabi savollarga javob oldilar.

Har bir O‘zbekiston fuqarosi, davlat madhiyasini qo‘lini ko‘ksiga qo‘yib sevib ijro etadi va qalbdan taralayotgan madhiyani tinglaganda cheksiz fahr va vatanparvarlik tuyg‘usini xis etadi.