2015 yil 5 dekabr kuni O‘zbekiston Milliy kutubxonasida O‘zbekiston Respublikasi Konstitutsiyasi qabul qilinganligining 23 yilligiga bag‘ishlangan yig‘ilish bo‘lib o‘tdi.  Yig‘ilishda Milliy kutubxona direktori A.Xodjaev barcha ishchi va xodimlarga  O‘zbekiston Respublikasi Konstitutsiyasining xalq farovonligi, mamlakatning moliyaviy, siyosiy, demokratik va harbiy sohalarda o‘sishini ta’minlovchi roli va ahamiyati haqida gapirdi. A.Xodjaev respublikada davlat xokimiyatining asosiy konstitutsion tamoyili – davlat suvereniteti, xalq hokimiyati, fuqarolar huquqi va erkinliklari dahlsizligi tamoyili, shaxs va davlatning o‘zaroma’suliyati tamoyili, qonuniylik tamoyili, mahaliy o‘z-o‘zini boshqaruv kabi hokimiyatning bo‘linishi tamoyili, sud organlarining tuzilishi tamoyili va bshq. bilan tanishtirdi. Shunigdek, u kutubxona xodimlarini O‘zbekiston Respublikasi Konstitutsiyasi qabul qilinganligining 23 yilligi bilan muborakbod etdi va barchaga sog‘lik, baxt va omad, oilaviy xotirjamlik va farovonlik tiladi.

O‘zbekiston Milliy kutubxonasi nodir, alohida qimmatga ega nashrlar xizmati yetakchi mutaxassisi D.Boymirzaeva suveren O‘zbekistonning birinchi Konstitutsiyasini tayyorlash, muhokama etish, qabul qilish va uning amal qilishi yo‘lidagi 10 ta huquqiy qadamiga bag‘ishlangan ma’ruzasida bu boradagi eng muhim tarixiy voqealarni sanab o‘tdi. “Konstitutsiyani yaratish yo‘lidagi asosiy rolni “O‘zbek tiliga davlat tili maqomi berish” to‘g‘risidagi Qonun,  Prezidentlik instituti ta’sis etilishi, “Mustaqillik  deklaratsiyasi”ning e’lon qilinishi, Konstitutsiyaviy komissiyaning tashkil etilishi, O‘zbekiston Prezidenti I.Karimovning O‘zbekiston Respublikasi Oliy Majlisi sessiyalarida qilgan ma’ruzalari,  Konstitutsiya loyihasining ilk bor matbuotda umumxalq muhokamasi uchun  e’lon qilinishi va Konstitutsiya loyihasining qabul qilinishi kabi huquqiy qadamlar o‘ynadi. Bular barchasi O‘zbekistonda rivojlanish, tinchlik. siyosiy va iqtisodiy barqarorlik kafolati bo‘lmish O‘zbekiston Respublikasi Konstitutsiyasi qabul qilinganishiga zamin yaratdi”.