O‘zbekiston Milliy kutubxonasi fondi nemis kompozitori Georg Fridrix Gendelning «Amir Temur» kitobining o‘zbek tilidagi tarjimasi bilan boyitildi. Tarjima taniqli shoir va tarjimon G‘ulom Mirzo tomonidan amalga oshirilgan. Kitob “Yangi asr avlodi” nashriyotida 2015 yilda, 118 bet xajmda chop etildi. 

Nemis kompozitori Georg Fridrix Gendel, Amir Temurning qahramonliklari va adolatparvarligidan ruhlanib 1724 o‘zinig qolgan asarlari orasida alohida o‘rin tutgan mazkur “Tamerlan” asarini yaratgan.  Uning “Amir Temur” (“Tamerlan”) operasida tarannum etilgan murakkab syujet chizig‘idagi voqealar muzaffar Sohibqiron Amir Temur va unga asir tushgan Usmonli turklar sultoni Boyazid Yildirim o‘rtasida bo‘lib o‘tadi va kompozitorning eng ko‘p ijro etiladigan musiqiy asarlari sirasiga kiradi.

Kitobning kirish qismida professor Akmal Saidov jahon operashunosligida Amir Temur siymosining yoritilishi haqida mulohaza yuritadi. "Amir Temur timsoli G‘arbda yaratilgan roman, hikoya, doema, drama, sahnaviy va musiqiy asarlarda kuch-qudratli, imon-e’tiqodli, mehr-oqibatli va yuksak madaniyatli buyuk shaxs sifatida ijobiy talqin qilingan. Ular o‘tmish voqealariga boy tarixiy syujetlar orqali  g‘arb kitobxonalarini Sharq madaniyati, siyosati, geografiyasi, milliy o‘ziga xosligi bilan tanishtirish barobarida ular ongida Sharqqa bo‘lgan munosabatlarini shakllantiradi. Bunday asarlarga misol tariqasida dramaturg Kristofer Marloning tarixiy pesasini, taniqli nemis kompozitori Georg Gendelning operasini, amerika yozuvchisi Edgar Poning poemasini va boshqa asarlarni keltirish mumkin”, deb yozadi A.Saidov.

Musiqiy dramadan tashqari kitobda Georg Gendelning operanavislik merosi haqida batafsil ma’lumot, Yevropa madaniyatining turdi davrlarida yaratgan musiqiy asarlarining bibliografiyasi, tarjimai holi va ijodiy faoliyatining asasiy sanalari berilgan.

Bu kitob mustaqillik yillarida Georg Gendel ijodiga e’tibor ortib borayotganligining amaliy tasdig‘idir. U adabiyotshunoslar, operanavislar, musiqachilar, tilshunoslar, tarjimonlar va keng o‘quvchilar ommasiga mo‘ljallangan.