2015 yil 3 dekabr kuni  O‘zbekiston Milliy kutubxonasida  Xalqaro nogironlarning huquq va erkinliklarini himoya qilish kuniga bag‘ishlangan kitob-rasmli ko‘rgazma ochildi.

Bu kun 1992 yilda BMTning Bosh Assambleyasi tomonidan nogironlar muammosiga jamoatchilikni jalb qilish, ularning haq – huquqlarini himoya qilish, aholining ko‘makka muhtoj qatlami, imkoniyati cheklangan insonlarga moddiy va ma’naviy yordam berish, ular jamiyatda o‘z o‘rnini topishi uchun ko‘maklashishga chorlash, bir-birimizga mehr-muruvvat ko‘rsatishga undash maqsadida ta’sis etilgan.

 

Kitobxonlarning e’tiboriga bosh qahramonlari jismoniy imkoniyatlari cheklangan insonlar, ularning muammolari, yutuqlari va xatto, g‘alabalari haqida hikoya qiluvchi kitoblar, uslubiy qo‘llanmalar, gazeta va jurnallar havola etilgan.

Ijtimoiy himoya sohasi vakillari uchun bu yerda ijtimoiy masalalar bo‘yicha kasbiy ma’rifiy, ilmiy-ommabop, ilmiy-amaliy va uslubiy qo‘llanmalar taqdim etilgan. “Pravo detey s ogranichennыmi vozmojnostyami na obrazovanie”, “Podxod k inklyuzivnomu obrazovaniyu, osnovannыy na soblyudenii prav cheloveka”, “Voprosы sotsialnogo obespecheniya”, “Sotsialnaya rabota”, “Tug‘ish yoshidagi nogiron ayollarni reabilitatsiya qilish dasturi”, “YuNESKO xalqaro me’yoriy hujjatlari”, “Obzor dostijeniy v oblasti oxranы materinstva”, “Nogironlar huquqlari to‘g‘risidagi Konvensiya”, “Molodoy, no zdorovыy li?”, “Tanishing, shoyad siz ham shifo topsangiz” va boshqa kitoblar va uslubiy qo‘llanmalar, shuningdek, jismoniy imkoniyatlari cheklangan o‘quvchilarni kasb-hunarga yo‘naltirishda maktab va oilaning o‘zaro hamkorligi  masalalariga bag‘ishlangan “Maktab va xayot” va O‘zbekiston Milliy kutubxonasida turli nogironlik kategoriyalariga oid imkoniyati cheklangan foydalanuvchilarga xizmat ko‘rsatilishi bilan tanishtiruvchi «INFOLIB» jurnallari shular jumlasidandir.