Old.Natlib.Uz - O‘Zbekiston Milliy Kutubxonasida Dekabr Oyida Tashkil Qilinadigan Tadbirlar

O‘zbekiston Milliy kutubxonasida dekabr oyida tashkil qilinadigan tadbirlar - Bo`limga qaytish

27.11.2015

1 dekabr kuni “Tafakkur” zalida “OITS ga qarshi kurash kuni” ga bag‘ishlangan “OITS- sog‘lom hayot uchun ogohlik” nomli kitob-rasmli ko‘rgazma;

2 dekabr kuni soat 15:00da kichik majlislar zalida O‘zbekiston Respublikasi Konstitutsiyasining 23 yilligi munosabati bilan “Baxtimiz qomusi” nomli davra-suhbati, “Tafakkur” zalida “Konstitutsiya – huquqimiz asosi” nomli ko‘rgazma;

3 dekabr kuni “O‘zbekiston” zalida Xalqaro nogironlarning huquq va erkinliklarini himoya qilish kuni munosabati bilan “Har ko‘ngilda orzu ulg‘ayar” nomli kitob-rasmli ko‘rgazma;

3 dekabr kuni soat 14:00da majlislar zalida O‘zbekiston XDP Toshkent shahar kengashi “Istiqbol” yoshlar qanoti tomonidan O‘zbekiston Respublikasi Konstitutsiyasi qabul qilinganining 23 yilligi munosabati bilan “Konstitutsiya bilimdoni” ko‘rik-tanlovi;

9 dekabr kuni soat 16:00da kichik majlislar zalida “Nogironlar kuni” munosabati bilan “Agidel” klubi musiqiy kechasi;

10 dekabr kuni soat 15:00da “O‘zbekiston” zalida faylasuf, matematik olim al-Farobiy hayotiga bag‘ishlangan “Sharq Arastusi” mavzusida bibliografik obzor va “Qomusiy ilm sohibi” kitob – rasmli ko‘rgazma;

16 dekabr kuni majlislar zalidaO‘zbekiston xalq artisti, opera qo‘shiqlari ijrochisi Saodat Qobulova tavalludining 90 yilligiga “Benazir ovoz sohibasi” nomli xotira kechasi, “Ijod” zalida “Sahnada ko‘nglim kuylaydi” nomli kitob-rasmli ko‘rgazma va kinomarkazda film namoyishi;

17 dekabr kuni soat 15:00da O‘zbekiston xalq artisti, teatr va kino aktyori Hamza Umarov tavalludining 90 yilligi munosabati bilan “Tug‘ma iste’dod sohibi edi...” mavzusida xotira kechasi va “Kashfiyot” zalida “Sahnada yashagan inson” kitob-rasmli ko‘rgazma;

17 dekabr kuni “Ijod” zalida kompozitor Lyudvig van Betxoven (1770-1827) tavalludining 245 yilligi munosabati bilan “Buyuk va mashhur” (“Великий и всегда известный”) nomli kitob – rasmli ko‘rgazma;

23 dekabr kuni soat 15:00 da kichik majlislar zalida O‘zbekiston xalq yozuvchisi Asqad Muxtor tavalludining 95 yilligi munosabati bilan “Bo‘ronlarda bordek halovat” mavzusida davra-suhbati, “O‘zbekiston” zalida “Badiiy yuksak va falsafiy teran ijod sohibi” nomli kitob-rasmli ko‘rgazma;

24 dekabr kuni soat 11:00da majlislar zalida “Keksalar huquqlarini himoya qilishga oid xalqaro shartnomalar va O‘zbekiston Respublikasi Qonun hujjatlari to‘plami”ning taqdimoti;

24 dekabr kuni soat 15:00da O‘zbekiston Milliy kutubxonasining kichik majlislar zalida "Zamonaviy internet-jurnalistika" mavzusida davra suhbati;

25 dekabr kuni soat 15:00da O‘zbekiston Milliy kutubxonasi kichik majlislar zalida kutubxona foydalanuvchilari bilan ochiq muloqot;

31 dekabr kuni “Ijod” zalida O‘zbekistonda xizmat ko‘rsatgan san’at arbobi, O‘zbekiston xalq rassomi Qutlug‘ Basharov tavalludining 90 yilligiga “Bo‘yoqlarga ko‘chgan tuyg‘ular” deb nomlangan kitob-rasmli ko‘rgazma;

31 dekabr kuni “Ijod” zalida O‘zbekiston xalq artisti, aktyor Abror Hidoyatov tavalludining 115 yilligiga “O‘zbek Otellosi” nomli kitob-rasmli ko‘rgazma;

Tadbirlar ro‘yxatiga o‘zgartirishlar va qo‘shimchalar kiritilishi mumkin

O`bekiston Milliy Kutubxonasi matbuot xizmati

Oldin Keyin