2012 yil 7 dekabr kuni soat 14.00 da O‘zbekiston Respublikasi  Konstitutsiyasining 20 yilligiga bag‘ishlangan tadbir bo‘lib o‘tdi.  Mazkur tadbirda Toshkent davlat yuridik institutining talabalari tomonidan “O‘zbekiston Respublikasi Konstitutsiyasi” moddalari, O‘zbekiston Respublikasi huquqiy qonunlari haqida videoroliklar orqali seminar trening o‘tkazildi 

Joriy yilning 3-7 dekabrgacha Kataloglashtirish va turkumlash-tirish xizmati tomonidan 67 ta yangi nomdagi axborot resurslari ro‘yxatdan o‘tkazildi.
67 kitob (quydagi sohalar bo‘yicha turkumlashtirildi: siyosat - 17 ta; ta'lim, madaniyat - 28 ta, badiiy adabiyotlar - 7 ta; san'at - 2 ta; adabiyotshunoslik - 12 ta; tilshunoslik - 1 ta) texnik va ilmiy ishlov berilib, bibliografik tavsifi to‘ldirilib, kitobxonlar foydalanishi uchun kitob fondini va davriy nashrlarni saqlash xizmatiga topshirildi. 

Alisher Navoiy nomidagi O‘zbekiston Milliy kutubxonasida aholini axborotga bo‘lgan talabini qondirish hamda axborot-resurs bazalaridan foydalanish imkoniyatini yanada kengaytirish maqsadida joriy yildan boshlab, milliy bibliografiya ma'lumotlari bazasini shakllantirsh xizmati AIBS dasturi asosida elektron ma'lumotlar bazasini o‘lkaga oid bo‘lgan gazeta va jurnal maqolalari bilan to‘ldirib kelmoqda.  

2013 yil 1 yanvardan boshlab, Alisher Navoiy nomidagi O‘zbekiston Milliy kutubxonasida qog‘oz ko‘rinishidagi katalog kartochkalarini rasmiylashtirish to‘xtatiladi. Barcha hujjatlarning bibliografik tavsiflari faqatgina Avtomatlashtirilgan axborot kutubxona tizimi (AIBS) ma'lumotlar bazasida elektron ko‘rinishida to‘ldirib boriladi.

O‘zbekiston Milliy kutubxonasida foydalanuvchilarga axborot-kutubxona resurslaridan foydalanishlari uchun qulay shart-sharoitlar yaratish, mavjud axborot-kommunnikatsion texnologiyalarni joriy qilish orqali foydalanuvchilarga keng imkoniyatlar yaratish hamda ularga xizmat ko‘ rsatish turlarini ko‘paytirish bo‘yicha bildirilayotgan takliflar e'tiborga olinib, foydalanuvchilarga O‘zbekiston Milliy kutubxonasi balans hisobida bo‘lgan netbuklardan shartnoma asosida kompyuter dasturlaridan va internet tarmog‘iga Wi-Fi orqali ulanishga foydalanish bo‘yicha pullik xizmat turi joriy etildi.