Alisher Navoiy nomidagi O‘zbekiston Milliy kutubxonasi 2012 yil yakunlari bo‘yicha 28 dekabr soat 14.30 da “Eng faol foydalanuvchi” aksiyasi va “Omadli ID-kart sohibi” lotoreyasini o‘tkazadi. Tadbirda, shuningdek, Milliy kutubxona faoliyati bilan bog‘liq savol-javoblar tanlovi ham tashkil qilinadi. Lotoreya va tanlov g‘oliblariga kutubxona tomonidan sovg‘alar: fleshkalar, kitoblar, kutubxonaning qo‘shimcha xizmat turlari talonlari tayyorlangan.  

Milliy kutubxona kinozali ma’naviy-ma’rifiy va ilmiy-ommabop video materiallar repertuarini o`zida jamlagan bo`lib, ushbu video materiallarda  milliy qadriyatlarimiz va urf-odatlarimiz, tarixiy-ma’naviy va madaniy merosni asrab-avaylash hamda yoshlarning ma’naviy yetuk inson bo`lib yetishishlaridagi asosiy omillar ko`rsatib berilgan. 

Alisher Navoiy nomidagi O‘zbekiston Milliy kutubxonasida aholini axborotga bo‘lgan talabini qondirish hamda axborot-resurs bazalaridan foydalanish imkoniyatini yanada kengaytirish maqsadida joriy yildan boshlab, milliy bibliografiya ma'lumotlari bazasini shakllantirsh xizmati AIBS dasturi asosida elektron ma'lumotlar bazasini o‘lkaga oid bo‘lgan gazeta va jurnal maqolalari bilan to‘ldirib kelmoqda. 

“Adabiyotsiz ma'naviyat yo‘q, ma'naviyatsiz esa, kelajak yo‘q” degan shior bugungi kunda Alisher Navoiy nomidagi O‘zbekiston Milliy kutubxonasi zallarida o‘tayotgan tadbirlarda tez-tez tilga olinmoqda. Yaqinda shu ma'rifat maskanida O‘zbekiston Respublikasi san'at arbobi, O‘zbekiston Davlat mukofoti laureati, adib Omon Muxtorning muxlislar bilan bo‘lib o‘tgan diydorlashuvida ham ana shu so‘z ustuvorlik qildi. Kutubxonada haftada bir (chorshanba) o‘tayotgan ma'naviyat kunlari  doirasida tashkil etilgan bu anjumanda adibning “Sharq” nashriyot-matbaa kompaniyasi Bosh tahririyati tomonidan (2011– 2012 y.y.) chop etilgan 2 jildlik “Sharshara” va “Suvratdagi yo‘lbars” kitoblari taqdimoti bo‘ldi.