25 mart kuni  Milliy kutubxonada xonanda Shahzoda bo’lajak konserti oldidan ommaviy axborot vositalari hamda ijodining ashaddiy muhlislari bilan matbuot konferensiyasini o`tkazdi. Konferensiya xonandaning konsertiga homiylik qilayotgan “TARONA KONSERT” Prodyusserlik Markazi va O’zbekiston Milliy kutubxonasi bilan birgalikda tashkil etildi.

Milliy bibliografiya ma'lumotlari bazasini shakllantirsh xizmati AIBS dasturi asosida elektron ma'lumotlar bazasini o‘lkaga oid bo‘lgan gazeta va jurnal maqolalari bilan to‘ldirib kelmoqda. 2013 yil 18 - 22 mart holatiga ko‘ra Milliy Kutubxonada ma'lumot kiritish ishlari bo‘yicha quyidagilar amalga oshirildi

2013 yil 20 martda  miya faoliyati buzilgan bolalarning yumshoq revolutsiyasi tiklash yo`lini o`ylab topgan Glenn Domanning o`g`li Amerikaning mashhur bolalar ongi rivojlanishi mutaxassisi Duglas Doman Milliy kutubxonada ma'ruza o`qidi. Bu ma'ruza O`zbekiston Respublikasi Sog`liqni saqlash Vazirligi ko`magida Alisher Navoiy nomidagi O`zbekiston Milliy kutubxonasi hamkorligida anjumanlar zalida aqli zaif bolalarning ota-onalari bilan birgalikda o`tkazildi.

Bahor - fasllar gulshani, uyg‘onish fasli. Butun borliq, ona tabiat barq urib yashnaydi, yangilanadi. Tirik jonzot borki yangi kunning tug‘ilishidan bahra oladi, zavqlanadi. Bizning tabarruk xalqimiz ham Navro‘z bayramini, ya'ni yangi kunning tug‘ilishini aynan bahor faslida nishonlashi bejiz emas. Navro`z - bahor, yangi yil bayrami. “Navro`z” atamasi ikki fors so‘zidan tashkil topgan bo‘lib  “nav” - yangi, “ro‘z” - kun ya'ni yilnig birinchi kuni degan ma'nolarni bildiradi. Bu bayramni bir necha ming yilliklardan beri nishonlab keladilar. Navro‘z - xalqimizning eng ommaviy va go‘zal bayramidir.  

O‘zbekiston Respublikasi Vazirlar Maxkamasining 2009 yil 31 dekabrdagi 343-sonli qaroriga asosan Alisher Navoiy nomidagi O‘zbekiston Milliy kutubxonasi balansidagi konditsioner (zima-leto)larni belgilangan tartib bo‘yicha shartnoma asosida sotuvga kuyilganligini e'lon qiladi.

Alisher Navoiy nomidagi O‘zbekiston Milliy kutubxonasi va unda faoliyat yuritib kelayotgan “Ingliz tili” klubi a'zolari hamda kutubxona foydalanuvchilari orasida “Musiqa tarixi va uning yorqin yulduzlari” mavzusida ingliz tilida tayyorlangan prezentatsiyalar tanlovini o‘tkazadi. Tanlov aprel oyining oxirigacha davom etib, har bir prezentatsiya klub yig‘ilishi kunlari namoyish etiladi.