2015 yil 7 may kuni O‘zbekiston Milliy kutubxonasida O‘zbekistonda xizmat ko‘rsatgan jurnalist, taniqli siyosiy sharhlovchi Tursun Qoratoev bilan ijodiy kecha bo‘lib o‘tdi.

Tadbirda taniqli jurnalistlar, radio va televidenie diktorlari, Yozuvchilar uyushmasi vakillari, “Madaniyat va ma’rifat” talekanali xodimlari, Inson huquqlari instituti vakillari, televidenie va radio faxriylari, OAV vakillari, talabalar va kutubxona foydalanuvchilari ishtirok etdilar.

Diktor va boshlovchi, O‘zbekiston xalq artisti Abdumo‘min O‘tbosarov, t.f.n., telejurnalist Nafisa Zohidova, taniqli telejurnalist Irismat Abduholiqov, f.f.d. jurnalist Xurshid Do‘stmuhammad, jurnalist Akram Aminov, yozuvchi Baxtiyor Haydarov, “Madaniyat va ma’rifat” telekanali direktori Vohid Luqmonov, Tursun Qoratoevning kasbdoshlari va shogirdlari uning mehnat faoliyati, kasb mahorati, isoniylik xususiyatlari va ustozlik tajribasi haqida so‘zladilar.

So‘zga chiqqanlar Tursun Qoratoevning O‘zbekistonda televizion jurnalistika, xususan, xalqaro jurnalistikaning rivojiga, shuningdek, televidenieda publitsistika va xalqaro sharhlovchilik sohasida yuqori malakali kadrlarni tayyorlashga qo‘shgan xissasini alohida ta’kidladilar.

Tadbirda, shuningdek, Tursun Qoratoevninng xamkasb do‘stlari va shogirdlarning ustoz tajribasi va murabbiyligi to‘g‘risida jamlangan dil izhorlaridan tashkil topgan “Yaxshilik falsafasi” kitobining taqdimoti bo‘lib o‘tdi.