Davra suhbati “G‘oyaviy, ma’naviy-ma’rifiy, ilmiy, badiiy, sport, harbiy-vatanparvarlik, milliy o‘yinlar va boshqa yo‘nalishlarda milliy axborot-resurslarini rivojlantirish – bugungi kun talabi” mavzusiga bag‘ishlangan bo‘lib, unda Nizomiy nomidagi Toshkent davlat pedagogika universiteti “Tarix” fakulteti, “Milliy g‘oya va ma’naviyat asoslari” kafedrasi mudirasi Marhabo Sobirova, mazkur universitet “Tarix” fakulteti, “Milliy g‘oya va ma’naviyat asoslari” kafedrasi katta o‘qituvchisi Abduvali Norboev va shu universitet “Fizika-matematika” fakulteti, “Informatika” kafedrasi katta o‘qituvchisi Mirabbos Fayozov lar olib bordilar.
Marhabo Sobirova o‘z ma’ruzasida “Yoshlarning g‘oyaviy, ma’naviy-ma’rifiy dunyoqarashini shakllantirishda qadriyatlarning o‘rni” mavzusidagi ma’ruzasida yoshlarning ma’naviyatiga salbiy ta’sir ko‘rsatuvchi “yevropalashtirish ta’siri”, “islomlashtirish ta’siri”,  kabi ma’naviy xurujlar va ma’naviy barkamol yoshlarni  tarbiyalashda  foydalanish zarur bo‘lgan tarixiy meros, falsafiy fikr xazinalari, diniy qadriyatlar, urf va O‘zbekiston Respublikasi Prezidenti asarlari kabi milliy ma’naviy qadriyatlarni turkumi haqida tushuncha berdi.

Yoshlarda g‘oyaviy, ma’naviy, ma’rifiy dunyoqarashlarni shakllantirishda milliy qadriyatlarning o‘rni to‘g‘risidagi suhbatida Abduvali Norboev  talabalarga tabiat va inson uyg‘unligi, insonning dunyoqarashining shakllanishida muhim ahamiyat kasb etgan omillar to‘g‘risida so‘zlab berdi.
Mirabbos Fayozov esa o‘z “Milliy o‘yinlar va boshqa yo‘nalishlarda milliy axborot resurslarini rivojlantirish” mavzusida talabalar bilan muloqot olib bordi va ularga uz domenidagi milliy o‘yinlar va milliy axborot resurslari manzillari va ularning ishlash tamoillari bilan tanishtirdi. 
Taqdimotlar ko‘rgazmaliligi va amalda keltirilgan misollar bilan boyitilganligi bois tinglovchilar tomonidan yaxshi qabul qilindi va ma’ruzalar yuzasidan qizg‘in savol-javoblarga sabab bo‘ldi.