2013 yilning 25 avgust kunida YUNESKO bosh direktori Irina Bokova Alisher Navoiy nomidagi O'zbekiston Milliy kutubxonasiga tashrif buyurdi. Tashrif doirasida delagatsiya a'zolariga Simpoziumlar saroyi va Milliy kutubxona bo'ylab ekskursiya tashkil etildi va kutubxonaning kundalik hayotiga tatbiq etilgan zamonaviy axborot- kutubxona texnologiyalari bilan tanishtirildi. 
Kutubxonaning birinchi qavatida Irina Bokova kitob muzeyi va undagi ko'plab eksponatlar qatorida 1058 yilda Bog'dodda yozilgan Abu Xasan al-Movardiyning «Al-Ahkom as-sultoniya va-l-valoyot ad-diniya» qo'lyozma asari bilan tanishdi.

19 - 23 avgustgacha  Kataloglashtirish va turkumlashtirish xizmati tomonidan 74 ta yangi nomdagi kitob qabul qilinib ro‘yxatdan o‘tkazildi.
74 ta kitob (quydagi sohalar bo‘yicha turkumlashtirildi: siyosat - 8 nusxa, badiiy adabiyot  - 10 nusxa, ta'lim va madaniyat  - 41 ta, tabiiy fanlar - 6 ta, adabiyotshunoslik - 9 ta) texnik va ilmiy ishlov berilib, bibliografik tavsifi to‘ldirilib, kitobxonlar foydalanishi uchun kitob fondini va davriy nashrlarni saqlash xizmatiga topshirildi.  
Shu kungacha Respublika miqyosida chop etiladigan bosma nashrlarning 1874 tasiga Kataloglashtirish va turkumlashtirish xizmati tomonidan KBK (kutubxona bibliografik klassifikatsiyasi) indeksi va bibliografik tavsifi berildi. 

Alisher Navoiy nomidagi O‘zbekiston Milliy kutubxonasida foydalanuvchilarga qulaylik yaratish maqsadida, Kutubxonaning elektron katalogi AIBS dasturiga kiritilgan bibliografik yozuvlarga, to‘liq matnli elektron ko‘rinishdagi resurslar ulandi.
To’liq matnli electron resurslarni Milliy kutubxonaning o’qish zallari kompyuterlaridagi AIBS dasturi,  elektron katalog orqali, o‘zingizga kerakli resursni tanlab, o‘qish imkoniyatiga ega bo‘lasiz.    

Alisher Navoiy nomidagi O‘zbekiston Milliy kutubxonasi direktor  o‘rinbosari  Alisher Ishmatov hamda Xalqaro aloqalar bo‘limi rahbari Aliya Japarovalar IFLA (International Federation of Library Associations and Institutions)ning 79- kongressida qatnashdilar. Ushbu kongress 2013 yil 17-23 avgust kunlari Singapur shahrida bo‘lib o‘tdi.

1 avgustdan 21 avgustgacha Milliy kutubxonaning o`quv markazida  O`zbekiston nogiron tadbirkor ayollar jamiyati tomonidan 8 ta qatnashchilar bilan  kompyuter savodxonligi bo`yicha o`quv darslari bo`lib o`tdi. Ushbu maxsus o`quv kursi BE PRO programmistlar markazining mutaxassislari tomonidan ishlab chiqildi va o`tkazildi. 

19 avgust kuni Jahon o‘quv zalida «CivaTech Oncology» kompaniyasi bosh ilmiy xodimi S. Xoyedlning «Texnologiyalar kommersializatsiyasi», «Texnologik parklar yaratish» va «Innovatsion siyosat» nomli prezentatsiyalari o‘tkazildi. Tadbirda Toshkentdagi AQSH elchixonasining vakillari, iqtisodiy masalalar attashesi hamda ilmiy masalalar bo‘yicha mutaxassislar ishtirok etishdi. Tadbir so‘ngida janob Xoyedl foydalanuvchilarning qiziqtirgan savollariga javob berdi. Tadbirdan so‘ng janob Xoyedl kutubxona bo‘ylab sayoxati davomida kutubxona tarixi, uning hozirgi kundagi faoliyati, talaba-yoshlarga yaratilgan barcha qulayliklarni va kutubxonaning yangi kommunikatsion texnologiyalarini ko‘rish imkoniyatiga ega bo‘ldi.