23 - 27 sentyabrcha  Kataloglashtirish va turkumlashtirish xizmati tomonidan 164 ta yangi nomdagi kitoblar qabul qilinib ro‘yxatdan o‘tkazildi. Ularga (quydagi sohalar bo‘yicha turkumlashtirildi: siyosat - 27 nusxa, tibbiyot - 1 nusxa, badiiy adabiyot - 63 nusxa, qishloq xo‘jaligi - 3 nusxa, diniy adabiyotlar  - 15 nusxa, ta'lim va madaniyat - 21 nusxa, tabiiy fanlar - 28 nusxa,  ma'lumot adabiyotlari  - 1 nusxa, tilshunoslik - 5 nusxa) texnik va ilmiy ishlov berilib, bibliografik tavsifi to‘ldirilib, kitobxonlar foydalanishi uchun kitob fondini va davriy nashrlarni saqlash xizmatiga topshirildi.  

“Ko’rgazma savdo markazi”da “ICTEXPO-2013” axborot texnologiyalari milliy ko'rgazmasining tantanali ochilish marosimi o’tkazildi. 
Milliy kutubxona o'z stendida O‘zbekiston Respublikasi Prezidentining 2012 yil 20-martdagi “Alisher Navoiy nomidagi O‘zbekiston Milliy kutubxonasi - axborot resurs markazi faoliyatini tashkillashtirish chora tadbirlari to‘g‘risida”gi PQ-1729-sonli qarori ijrosining ta'minlanishi qanday olib borilayotganini namoyish etdi.   

2013 yilning 24 sentyabr kuni Toshkentdagi Xalqaro biznes markazida Axborot - kommunikatsiya texnologiyalari Haftaligi ochilishi bo‘yicha Milliy sammit bo‘lib o‘tdi. Sammitdan ko‘zlangan asosiy maqsad - hayot faoliyatining turli sohalariga AKTning tatbiq etilishi natijasida qo‘lga kiritilgan yutuqlar, axborot-kommunikatsion soha rivoji tendensiyalari namoyish etuvchi platformani yaratish, shuningdek, O‘zbekistonda AKT sohasini rivojlantirishni qo‘llab-quvvatlash hamda xalqaro hamkorlikni kengaytirishdan iborat. Axborot-kommunikatsiya texnologiyalari bo‘yicha Milliy sammit har yili an'anaviy tarzda o‘tkazib kelinadi. Unda AKT sohalarining hamkorlik aloqalarini o‘rnatish, so‘nggi yutuqlarni muhokama qilish va AKT rivojiga doir e'tiborga molik masalalar bo‘yicha fikr almashishdan manfaatdor bo‘lgan O‘zbekiston, yaqin va uzoq xorij mamlakatlaridan ishtirokchilar qatnashdi.

23 sentabr kuni Milliy kutubxonada YUNISEF ning ijtimoiy ishlar bo'yicha xalqaro maslahatchisi Terrens Merfining tashrifi yuzasidan davra suhbati bo'lib o'tdi. Mazkur davra suhbati BMT (YUNISEF) Bolalar fondining O'zbekistondagi vakolatxonasi, O'zbekiston Respublikasi oliy va o'rta maxsus ta'lim vazirligi, Respublika bolalar ijtimoiy moslashuv markazi, M.Ulug'bek nomidagi O'zbekiston Milliy universiteti, O'zbekistonning SOS-Bolalar mahallalari bilan hamkorlikda o'tkazildi.