30 oktyabr kuni Milliy kutubxonada Respublika qo‘g‘irchoq teatri bilan hamkorlikda ertak-minispektakl namoyishi bo‘lib o‘tdi. Spektakl tomoshasiga shahrimiz maktablaridan o‘quvchilar tashrif buyurib, madaniy hordiq chiqardilar. 

Bugun 30 oktyabr kuni Milliy kutubxonada ijodkorlik kuni bo‘lib tadbir doirasida “Kitob o‘qish san'at ” bo‘yicha trening, akademik, tarixchi, arxeolog E.Rtveladze bilan “Dunyoda arxeologiya rivojlanishi tendensiyasi” mavzusida ijodiy uchrashuv, “Granart” jodiy markazi bilan hamkorlikda rassomlik bo‘yicha hamda kulolchilik bo‘yicha mahorat maktablari, qo‘g‘irchoq teatri bilan hamkorlikda “Qo‘g‘irchoqni boshqarish san'ati” mavzusidagi maxsus mahorat maktabi, O‘zbek-Yaponiya markazi bilan hamkorlikda origami bo‘yicha mahorat maktabi, Shoyusuf Shoakbarovdan karving meva va sabzavotlarga bezak berish bo‘yicha mahorat maktablari, rejissyor Rixsi Muhammadjonov, yosh shoirlar bilan ijodiy uchrashuvlar, BMT RDdan “Bolalar haqida suhbatlashamiz” mavzusida davra suhbatlari o‘tkazildi.

30-oktabr kuni Milliy kutubxonaning “Ijod” o‘quv zalida “Granart” ijodiy markazi bilan hamkorlikda kichik maktab yoshidagi o‘quvchilar uchun kulolchilik bo‘yicha mahorat maktabi o‘tkazildi. Tadbirni o‘tkazishdan maqsad bolalarda fantaziyani va kichik detallarni yasash mahoratlarini  rivojlantirishdan iborat bo‘ldi. Tadbir davomida bolalar loydan hayvonlar, qushlar va baliqlarni yasadilar.

30-oktabr kuni Milliy kutubxonaning “Ijod” o'quv zalida “Granart” ijodiy markazi bilan hamkorlikda kichik maktab yoshidagi o‘quvchilar uchun rassomlik bo‘yicha mahorat maktabi o‘tkazildi. Mazkur mahorat maktabi bolalarda tasavvur, fikrlash va estetik didning yanada rivojlanishiga yordam berdi. Tadbir davomida bolalar aralash texnika asosida rasmlar chizdilar, hamda turli xil bezatish va dizaynerlik usullari bilan tanishdilar.