25 noyabr kuni O’zbekiston Respublikasi Prezidenti Islom Karimov va Turkmaniston Prezidenti Gurbanguli Berdimuhamedov Milliy kutubxonaga tashrif buyurdilar. Tashrif chog’ida Davlatimiz rahbari mamlakatimizda milliy va jahon madaniyati, fan va ta`limni rivojlantirish yo`lida axborot-kutubxona faoliyati sohasida o’tkazilayotgan islohotlar natijasi haqida; Milliy kutubxona yangi binosining tashkil etilishi, aholiga, ayniqsa yoshlarga zamonaviy axborot-kommunikatsiya texnologiyalarini (matn, audio, video, grafika) joriy qilish orqali axborot-kutubxona xizmatini ko’rsatish, ularni intellektual salohiyatini, bilimini, ma`naviy axloqiy va madaniy ehtiyojlarini to`liq qondirish imkoniyatini berishi haqida, hamda kutubxonada foydalanuvchilar uchun qulay shart-sharoitlar, keng axborot resurslari bazasini yaratish sohasida bir qancha ijobiy natijalarga erishganligini haqida batafsil ma`lumot berib o`tdi. 

18 - 22 noyabrgacha Kataloglashtirish va turkumlashtirish xizmati tomonidan 101 ta yangi nomdagi kitob qabul qilinib, ro‘yxatdan o‘tkazildi (quydagi sohalar bo‘yicha turkumlashtirildi: siyosat - 19 nusxa; tibbiyot - 3 nusxa; ta'lim va madaniyat - 5 nusxa, badiiy adabiyotlar - 31 nusxa; qishloq xo‘jaligi - 2 nusxa; texnika - 5 nusxa; san'at - 1 nusxa; tabiiy fanlar - 2 nusxa; sport - 1 nusxa; ma'lumot adab. - 4 nusxa; yuridik fanlar - 14 nusxa; psixologiya - 3 nusxa; tilshunoslik - 11 nusxa). Ularga texnik va ilmiy ishlov berilib, bibliografik tavsifi to‘ldirilib, kitobxonlar foydalanishi uchun kitob fondini va davriy nashrlarni saqlash xizmatiga topshirildi. 

Texnik sabablar hamda sanitariya-profilaktika ishlarini olib borish maqsadida Milliy kutubxona foydalanuvchilarga:
21 noyabr kuni xizmat ko‘rsatmaydi;
22 noyabr kuni soat 12.00dan xizmat ko‘rsatadi.