2014 yil 11 fevral kuni Alisher Navoiy nomidagi O‘zbekiston Milliy kutubxonasining majlislar zalida  mualliflik qo‘shiqlarini ijro etuvchi “Archa” guruhi bilan ijodiy uchrashuv bo‘lib o‘tdi. Tadbir o‘tkazishdan asosiy maqsad qo‘shiqchilik san'ati bilan yoshlarni yanada yaqinroq tanishtrish, klub a'zolarining o‘z tajribalarini yoshlar bilan o‘rtoqlashishdan iborat. Tadbirda mualliflik qo‘shiqlari bo‘yicha xalqaro va maxalliy festivallar laureati, V.Pushkin nomidagi festival jyuri a'zosi - Leonid Puzerev, O‘zbekiston va Qozig‘istondagi xalqaro festivallar laureati - Vladislav Mayevskiy, Nodira Ziyaxanova, shoira, “Anxor” art-studiyasi rahbari  Svetlana Klokotovalar qatnashdilar. Ular o‘z ijodlaridan jonli tarzda qo‘shiqlar kuylab berdilar.  

Milliy kutubxonaning “Kashfiyot” o‘quv zalida Rus xalqining buyuk farzandi, fanda yangi ilmiy dunyoqarashlarning yaratuvchisi Dmitriy Ivanovich Mendeleyev tavalludining 180 yilligi munosabati bilan uning  hayoti va ilmiy faoliyatiga bag‘ishlangan kitob-rasmli ko‘rgazma tashkil qilindi. Ko‘rgazmada olimning hayoti, kimyo faniga oid kitoblar namoyish qilingan. Shuningdek  kitob ko‘rgazmalari ichida buyuk olim hayotiga bag‘ishlangan fotogalereya ham tashkil qilindi. 

Alisher Navoiy nomidagi Milliy kutubxonada Navoiy kunining  2-qismi 10 fevral soat 13:00 da O‘zbekiston Milliy tiklanish demokratik partiyasi Toshkent shahar Kengashi Yoshlar qanoti, Ayollar qanoti hamda Alisher Navoiy nomidagi O‘zbekiston Milliy kutubxonasi hamkorligida Buyuk mutafakkir, davlat arbobi va shoir Alisher Navoiy tavalludining 573 yilligi munosabati bilan “Olis yulduz shu'la taratar” shiori ostida “Alisher Navoiy merosi - bebaho boyligimiz” mavzuida ma'naviy-ma'rifiy tadbir va adabiy kechasi bilan davom etdi.   

Ma'naviyat va ma'rifatni yuksaltirish, barkamol avlodni voyaga yetkazish, ona tilimiz, milliy adabiyotimiz ravnaqida ulug‘ shoir, mutafakkir Alisher Navoiy ijodining ahamiyati beqiyosdir. O‘zbekistonda Navoiy merosini o‘rganish, asarlarini nashr etish, mazmun-mohiyatini keng targ‘ib va tashviq qilish masalasiga katta e'tibor qaratilmoqda. Bugun Alisher Navoiy haqli suratda jahon madaniyatining mumtoz vakillari safidan o‘rin oldi. Asarlari jahondagi yuzlab tillarga tarjima qilindi. Dunyo ahli uning merosi bilan qiziqmoqda, asarlarida tarannum etilgan olijanob g‘oyalar va falsafiy mushohadalaridan zavq olmoqda. Shoirning asarlarida ulug‘lagan yurt ravnaqi, obodligi, osuda va farovon hayot, jamiyatdagi barqarorlik, o‘zaro totuvlik va ahillik, mehr-oqibat muhitini asrab-avaylashdek ezgu g‘oyalar ko‘rinib turadi.   

Milliy bibliografiya ma'lumotlari bazasini shakllantirsh xizmati AIBS dasturi asosida elektron ma'lumotlar bazasini o‘lkaga oid bo‘lgan gazeta va jurnal maqolalari bilan to‘ldirib kelmoqda. 2014 yil 3 - 7 yanvar holatiga ko‘ra 65 nusxa gazeta; 6 nusxa jurnal; jami 407 bibliografik yozuv kiritildi  471 bibliografik yozuv tahrir qilindi. 
O‘zbekiston Respublikasida chiqariladigan nashrlarga kitobning xalqaro standart tartib raqamini (ISBN) berishda 21 ta ISBN raqami (kattalar adabiyoti uchun 14 ta va bolalar adabiyoti uchun 7 ta) berildi. 72 ta kattalar adabiyoti  va 7 ta bolalar adabiyoti uchun 12 ta  hisob-kitob shartnomasi tuzildi.