23-25 aprel kunlari Qarshi shahrida - “Fan, ta'lim, madaniyat va biznesda internet va kutubxona-axborot resurslari - Central Asia-2014” 8-Xalqaro konferensiya bo‘lib o‘tdi. Mazkur anjumanda O‘zbekiston Respublikasi Oliy Majlisi Qonunchilik Palatasining Axborot va kommunikatsiya texnologiyalari masalalari Qo‘mitasi, Aloqa, axborotlashtirish va telekommunikatsiya texnologiyalari Davlat Qo‘mitasi, Alisher Navoiy nomidagi O‘zbekiston Milliy kutubxonasi, Madaniyat va sport ishlari, Xalq ta'limi, Oliy va o‘rta maxsus ta'lim vazirliklari hamda boshqa qator idora va tashkilotlar hamkorligida tashkil etilgan mazkur anjumanda O‘zbekiston, AQSH, Germaniya, Rossiya, Ukraina, Ozarbayjon, Qozog‘iston, Kanada kabi mamlakatlardan 305 nafar soha vakillari, ekspert va olimlar ishtirok etishdi.  

Joriy yilning 21 - 25 aprelgacha Kataloglashtirish va turkumlashtirish xizmati tomonidan 306 ta yangi nomdagi avtoreferatlar qabul qilinib, ro‘yxatdan o‘tkazilib (quydagi sohalar bo‘yicha turkumlash-tirildi: siyosat - 113 nusxa; ta'lim va madaniyat - 34 nusxa, qishloq xo‘jaligi - 16 nusxa;  tabiiy fanlar - 36 nusxa;  tilshunoslik - 12 nusxa;  tibbiyot - 45 nusxa, texnika - 46 nusxa, san'at - 2, sport - 2) texnik va ilmiy ishlov berilib, bibliografik tavsifi to‘ldirilib, kitobxonlar foydalanishi uchun kitob fondini va davriy nashrlarni saqlash xizmatiga topshirildi.  

Moskva viloyati davlat bolalar kutubxonasi, Karaganda viloyati o‘smirlar kutubxonasi, Andijon viloyati axborot-kutubxona markazi, O‘zbekiston Milliy kutubxonasi hamda Respublika axborot-resurs markazi mutaxassis vakillari “Hozirgi sharoitda axborot - kutubxona muassasalarida bolalar mutolaasi muammolari, bolalar bilan ishlashda ularni o‘qishga qiziqtirishning yangi ijtimoiy - madaniy yo‘nalishlari, mutolaa madaniyati har tomonlama rivojlangan shaxsni shakllantirishning faktori sifatida, mutolaa madaniyatini shakllantirishda axborot - kutubxona muassasalari faoliyati” to‘g‘risida savol-javob va ma'ruzalar muxokamasi bo‘lib o‘tdi.

“Central Asia-2014” Fan, ta'lim, madaniyat va biznesda internet va kutubxona-axborot resurslari” 8 - Хalqaro konferensiyasi  doirasida «Axborot-kutubxona faoliyati to‘g‘risida» gi Qonunni amalga oshirish: ustivor vazifalar» mavzusida O‘zbekiston Respublikasi Oliy Majlis Qonunchilik palatasi, Axborot va kommunikatsiya texnologiyalari masalalari bo’yicha qo‘mita raisi Djuraboyev Abdurashid Abduvoxidovich hamda O‘zbekiston Respublikasi Oliy Majlis Qonunchilik palatasi,  Axborot va kommunikatsiya texnologiyalari masalalari qo‘mitasi a'zosi, deputat Karimova  Xafiza Qo‘ldoshevnalar moderatorligida, mamlakatimizda Axborot-kutubxona faoliyatida olib borilayotgan islohotlar Respublikaning barcha axborot-resurs markazlari faoliyatini muvofiqlashtirish funksiyasini amalga oshirish, aholini axborot-kutubxona bilan ta'minlash darajasini oshirish va doimiy takomillashtirishni inobatga olgan holda ularni yanada rivojlantirishning asosiy yo‘nalishlari bo‘yicha davra suhbati o‘tkazildi.