20 iyun kuni O‘zbekiston Milliy kutubxonasida Respublika ma'naviyat targ‘ibot markazi hamda bir qator hamkor vazirlik va tashkilotlar bilan hamkorligida “Yuksak ma'naviyatli avlod” festivalining respublika bosqichi o‘tkazildi.
Festival bugungi kunda amalga oshirilayotgan davlat siyosatining ustivor yo‘nalishlari, keng ko‘lamli islohatlarning mohiyati qabul qilingan hujjatlari, Prezidentimizning farmon, farmoyish va asarlari, hukumat qarorlarini atroflicha sharhlash va tushuntirish, davlat dasturlarining ahamiyatini, yurtimizga qarshi qaratilgan g‘oyaviy va informatsion hurujlar, ularning ortida turgan kuchlarning g‘arazli maqsadlarini fosh qilish, yoshlarni hushyorlik va ogohlikka da'vat etish, yosh olimlar va mutaxassislar, iqtidorli va ijodkor yoshlar ishtirokida joylarda ayniqsa, yoshlar o‘rtasida o‘tkazilmoqda.

Ochilish marosimidan so‘ng, ishtirokchilar yo‘nalishlar bo‘yicha baxslarga kirishdilar.
Kunning ikkinchi yarmida ishtirokchilar uchun malakali mutaxassislar tomonidan mahorat darslari o‘tkazildi.
Ishtirokchilar “Badiiy ijod” , “Prezident asarlari bilimdoni”, “Eng yangi tarix bilimdoni”, “Eng iqtidorli hunarmand”, “O‘z asarida milliylikni aks ettirgan rassom”,  “O‘z asarida milliylikni aks ettirgan dizayner”, “Vatan kuychisi”, “Yuksak ma'naviyatli avlod” yo‘nalishlari  bo‘yicha qatnashdilar.