10 iyun kuni O’zbekiston Milliy kutubxonasida, Axborot-kutubxona mutaxassisi  kasbining ahamiyatini ochish, mavqeini ko’tarish, axborot –kutubxona sohasi mutaxassislarining ijodiy potensiali va ishchanligini oshirish, ish faoliyatini namoyon qilish maqsadida, Aloqa, axborotlashtirish va telekommunikatsiya texnologiyalari Davlat qo’mitasi, Oliy va O’rta maxsus ta’lim Vazirligi, o’rta maxsus kasb-hunar ta’limi markazi, xalq ta’limi Vazirligi, Madaniyat va sport  ishlari Vazirligi hamda O'zbekiston Milliy kutubxonasi bilan hamkorlikda “Eng yaxshi axborot - kutubxona mutaxassisi 2014” tanlovi o'tkazilmoqda. Tanlovda Respublikamizning 12 viloyati, Qoraqalpog'iston Respublikasi va Toshkent shahar axborot - kutubxona muassasalarining tuman, viloyat bosqichlarida g'oliblikni qo'lga kiritgan guruhlar qatnashmoqda.

Tanlovni deputat, O'zbekiston qonunchilik palatasining Axborot va kommunikatsiya texnologiyalari qo'mitasi a'zosi X. Karimova va O'zbekiston Milliy kutubxonasining direktori A.Xodjayev ochib berdilar.