Alisher Navoiy nomidagi O‘zbekiston Milliy kutubxonasi
  • Asosiy so’zlar
  • Kitob muallifi
Ko‘p beriladigan savollar

Kim kutubxonaga a'zo bo‘lishi mumkin?
14 yoshga to‘lgan xar bir fuqaro.

Yosh bolalarni kutubxonaga a'zo qilsa bo‘ladimi?
Yo‘q, kutubxonaga  14-16 yoshdan boshlab, tug‘ilganlik haqida ma'lumoti(pasport)  asosida a'zo bo‘lishlari mumkin.

Toshkent propiskasidan ro‘yxatdan o‘tmagan fuqarolarga  kutubxonaga a'zo bo‘lish mumkinmi?
Mumkin,  shaxsini tasdiqlovchi xujjat (pasport) asosida

Chet el fuqarosiga yoki  fuqaroligi bo‘lmaganlar kutubxonaga a'zo bo‘lishi mumkinmi?
Mumkin , shaxsini tasdiqlovchi xujjat, pasport asosida.

Qanday xujjatlar asosida kutubxonaga yozilish mumkin?
Shaxsini tasdiqlovchi xujjat, pasport.
A'zo bo‘layotganda  maqsadga muvofiq  yana:
O‘quvchilik guvohnomasi - o‘rta masxsus o‘quv muassasa o‘quvchilari.
Talabalik guvohnomasi -  oliy o‘quq muassasa talabalariga.

ID karta necha so‘m turadi?
ID karta narxi 5000 so‘m.

ID kartani ekspluatatsiya qilish muddati qancha?
To‘g‘ri foydalanilsa ID kartani epspluatatsiya qilish muddati 3 yil.

ID kartani yo‘qotsa kimga murojat qilish kerak?
ID karta yo‘qotgan taqdiringizda birinchi bo‘lib qiladigan ishingiz kechiktirmasdan registratsiya xizmatini yoki kitob berish xizmatini shaxsan o‘zingiz yoki  telefon  + 998 71 232 83 92 orqali ogoxlantirishingiz  kerak.
A'zolik bileti (ID-karta) yo‘qotilgan va shikast yetkazilgan holatda uni tiklash uchun foydalanuvchi tomonidan Milliy kutubxona rahbari nomiga ariza yoziladi. Ariza qondirilgan holatda yo‘qotilgan a'zolik bileti uchun qaytadan ikki barobar, shikast yetkazilgan a'zolik bileti uchun bir barobar to‘lov amalga oshiriladi.

Kutubxonaga  yosh bola bilan kirsa bo‘ladimi?
Kutubxonadan foydalanish qoidasi bo‘yicha barcha 14 yoshdan yuqori bo‘lgan fuqarolarga pasport asosida xizmat ko‘rsatiladi, 3 yoshdan 8 yoshgacha bolalar xonasi xizmat ko‘rsatadi. Ma'lumot olish uchun telefon:  232 83 82

Bitta  ID karta  bilan ikkita foydalanuvchi  kirish mumkinmi?
Yo‘q. Alisher Navoiy nomidagi O‘zbekiston Milliy kutubxonasining qoidasiga binoan bitta ID karta  bilan ikkita foydalanuvchi kirishi yoki  boshqa shaxsga ID kartani berish qat'iyan ma'n etiladi.

Pasport yoki shaxsni tasdiqlovchi hujjat bo‘lmasa bir marotabali ID karta olish mumkinmi ?
Yo‘q , kutubxonada bir marotabali ID karta  ishlatilmaydi.

Kutubxona ish tartibi qanday?
Kutubxona foydalanuvchilariga quyidagi tartibda xizmat ko‘rsatadi:
Har kuni:
dushanbadan -jumagacha:  9.00 dan 20.00 gacha;
shanba, yakshanba: 9.00 dan 17.00 gacha.
Davlat bayramlari arafasida - O‘zbekiston Respublikasi qonunlariga muvofiq,
kutubxona direktori tomonidan tasdiqlangan grafik bo‘yicha ishlaydi:
-    Kitobxonlarni ro‘yxatga olish: 9.00-18.00, shanba, yakshanba: 9.00- 15.00;
-    “Tafakkur” katta o‘quv zali: 9.00-20.00, shanba, yakshanba: 9.00- 17.00;
-    “Istiqbol”yoshlar va talabalar zali: 9.00-20.00, shanba, yakshanba: 9.00 - 17.00;
-    “Kashfiyot” ilmiy o‘quv zali: 9.00-18.00, shanba, yakshanba: 9.00  - 17.00;
-  “Nodir” qo‘lyozmalar, nodir va alohida qimmatga ega nashrlar o‘quv zali: 9.00-18.00, shanba: 9.00-17.00, yakshanba  dam olish kuni;
-    “Jahon” xorijiy adabiyotlar o‘quv zali: 9.00-18.00, shanba: 9.00- 17.00, yakshanba dam olish kuni;
-    Ilmiy texnikaviy adabiyotlar o‘quv zali: 9.00-18.00, shanba, yakshanba: dam olish kuni;
-    “O‘zbekiston” milliy adabiyotlar va davlat tarixi  o‘quv zali:  9.00-20.00, shanba, yakshanba: 9.00 - 17.00;
-    Ma'lumot axborot o‘quv zali,  katalog va kartotekalar, elektron katalog:  9.00-19.00, shanba, yakshanba: 9.00 - 17.00;
-    Virtual ma'lumot xizmati: 9.00-19.00, shanba, yakshanba: 9.00- 17.00;

Maxsus o‘quv zallari:
-    “Adolat” huquqiy axborot o‘quq zali: 9.00-20.00, shanba, yakshanba: 9.00 - 17.00;
-    “Ijod” nota-musiqa nashrlar zali: 9.00-20.00, shanba, yakshanba: dam olish kuni;
-    “Ilm” dissertatsiyalar o‘quv zali: 9.00-20.00, shanba, yakshanba: 9.00 - 17.00;
-    “Media-markaz” media va internet markazi: 9.00-20.00, shanba, yakshanba:  dam olish kuni;
-    Elektron kutubxona: 9.00-20.00, shanba, yakshanba: dam olish kuni;
-    Imkoniyati cheklangan foydalanuvchilar o‘quv zali: 9.00-20.00, shanba, yakshanba: dam olish kuni;
-    Kutubxonalaro abonement va xujjatlarni elektron yetkazish: 9.00-18.00, shanba, yakshanba: dam olish kuni;
-    Kitob muzeyi: 10.00 - 15.00, shanba va yakshanba: 11.00-15.00;
-    Bolalar xonasi: 10.00-16.00, shanba va yakshanba dam olish kuni;
-    Ko‘rgazma zali: 10.00-16.00, shanba va yakshanba: 10.00-16.00;
-    Kinomarkaz: 10.00-16.00, shanba va yakshanba: 10.00-16.00;
Kutubxona davlat bayramlari kunlarida va sanitariya kunlarida (har oyning oxirgi kuni) ishlamaydi.
Istesno hollarda (davlat miqyosidagi tadbirlar o‘tkazilishi munosabati bilan) Kutubxona ish tartibiga o‘zgartirish kiritish mumkin. Bu to‘g‘risida foydalanuvchilarga  kutubxonaning axborot stendlari orqali xabar beriladi.
Foydalanuvchilarga virtual xizmat ko‘rsatish  kutubxonaning internet-portali

Kutubxonani ekskursiya qilish uchun nima qilish kerak?
Ekskursiyaga keluvchilar oldindan xat orqali murojaat etishllari va xatda keluvchilar ro‘yxati berilishi kerak. Murojaat uchun telefon: 232 83 92

Qanday qilib shu kutubxona fondida aniq bir nashr bor yo‘qligini bilish mumkin?
Ma'lumotnoma axborot xizmatlari ko‘rsatish xizmati xodimlariga yoki telefon 232-83-94 orqali murojaat qilishingiz mumkin.
Ma'lumot axborot o‘quv zalida katalog va kartatekalar orqali o‘zingiz qidirishingiz mumkin. (2 qavat); Elektron katalog orqali ham qidirib bilish mumkin.

Kutubxonada uyda foydalanish uchun adabiyot beriladimi?
Foydalanuvchilarga adabiyot faqat kutubxona zallarida foydalanish uchun beriladi.

Kutubxonada elektron nusxada kitoblar bormi?
Xozirgi vaqtda kutubxona fondida raqamlashtirish ishlari olib borilmoqda. O‘zbekiston Respublikasi Prezidentining hamma yozgan kitoblarining  elektron nusxasi mavjud.  Shu qatorda huquqiy ma'lumot xujjatlari, o‘zbek klassik adabiyoti, nodir kitoblar kolleksiyasi mavjud.

Qanday muddatga kitob buyurtma qilish mumkin “Bugungi bugunga” mi?
Kitob buyurtma qilish kutubxona yopilishiga bir soat qolganda to‘xtatiladi, lekin keyingi  kunga kitob buyurtma qilish kutubxona yopilishigacha mumkin.

Qanday muddatda buyurtirilgan adabiyotni olish mumkin?
Buyurtirilgan adabiyotni 15-20 daqiqada olish mumkin.

Kutubxona sayti yoki telefon orqali kitobga buyurtma bersa bo‘ladimi?
Ha mumkin, (http//www.natlib.uz) kutubxona internet portali (elektron katalog) orqali.
Telefon orqali buyurtma qabul qilinmaydi.

Kutubxona kitobini rasmga olsa bo‘ladimi?
Yo‘q. Ayrim hollarda kutubxona rahbarlari ruhsati bilan Skanerlash markazi amalga oshirishi mumkin.

Kutubxona xududiga fotoapparat  bilan kirish mumkinmi?
Fotoapparat bilan kirish man etiladi.

Kutubxona binosiga shaxsiy kitoblar bilan kirsa bo‘ladimi?
Kutubxona binosiga shaxsiy adabiyotlar (kitob,gazeta, jurnal o‘quv-metodik materiallar,rasmli xujjatlar, notalar) bilan kirish mumkin.

Shaxsiy  elektron xujjatni kutubxonada  qog‘ozga chiqarib olish mumkinmi?
Shaxsiy elektron xujjatni kutubxonaning media markazida (pullik xizmat asosida) qog‘ozga chiqarib olishingiz mumkin.

Kutubxonada noutbukdan foydalanish mumkinmi?
Mumkin.

Internet xizmatidan qanday foydalansa bo‘ladi?
O‘quv zallarida internet xizmatidan (45 daqiqa tekin), shuningdek Media va internet markazida (to‘lov preyskrant asosida amalga oshiriladi).

Kutubxonada internetga wi-fi  orqali ulansa bo‘ladimi?
Ha. Internetga wi-fi  orqali ulansa bo‘ladi.

Kutubxonada oq qora, rangli kserokopiya, xujjatlarni skanerlash mumkinmi?
Ha. (to‘lov preyskurant asosida)

O‘zbekiston Respublikasida ximoya qilingan dissertatsiyalarning nusxalarini olish mumkinmi?
O‘zR. dissertatsiyasini 15% ni olsa bo‘ladi, faqat qog‘ozga chiqarish yo‘li bilan. Qo‘l yozmali dissertatsiyalarni kitobxon buyurtmasi oldindan  ogohlantirgan holda  nusxa olish skanerlash yo‘li bilan amalga oshiriladi

Dissetatsiya zalidan foydalanish uchun qanday hujjatlar kerak bo‘ladi?
“Ilm” dissertatsiyalar zalidan foydalanish uchun o‘qish yoki ish joyidan rahbar tomonidan imzolangan pechat bilan tasdiqlangan mahsus blanka to‘ldirilib olib kelinadi. Amal qilish muddati 1 yil.

O‘zbekistonda chiqadigan qonun, farmon, huquqiy hujjatlarni qachon va qayerda qidirsa bo‘ladi?
Kutubxonaning “Adolat” o‘quv zalida shaxsan o‘zingiz kutubxonaga kelgan holda, yoki internetda  Lex.uz sayti orqali qidirishingiz mumkin?

Kutubxonada qanday pullik xizmatlar bor?
Nusxa ko‘chirish, skanerlash, fayl raspechatkasi, ma'lum bir soha bo‘yicha  bibliografik ma'lumot yig‘ish, bibliografik ro‘yxat tuzish, elektron shakldan fleshkaga nusxa olish (to‘lov preyskurant asosida)

Alisher Navoiy nomidagi O‘zbekiston Milliy kutubxonasi qayerda joylashgan?
Toshkent shahar Alisher Navoiy ko‘chasi 1, “Ma'rifat markazi” binosi  100017 kutubxona indeksi.

Kutubxonaning internet portali qanday?
www.natlib.uz

Katalog bo‘yicha qidirib topgan adabiyotimni qaysi joydan olaman?
Kutubxonaga a'zo bo‘lganingizda sizning ID kartangizda kitob oladigan kafedrangiz ko‘rsatiladi.

Bir marotaba buyurtma berganda nechtagacha kitobga buyurtma bersa bo‘ladi?
Har bir foydalanuvchi asosiy fonddan 10 tagacha kitob buyurtma qilsa bo‘ladi. Agar siz undan kup buyurtma bermoqchi bo‘lsangiz, avval buyurtma bergan 10 ta kitobingizni qaytarib keyingilarini buyurtma bersangiz bo‘ladi.(keyinroq ishlatish uchun bron qilish polkasida 10 tagacha kitob qoldirsa bo‘ladi).

Men qidirgan adabiyot, maqola yoki xujjat kutubxonada bo‘lmasa nima qilishim kerak?
Kutubxonalaro abonement va xujjatlarni elektron yetkazish xizmatiga murojaat qilishingiz mumkin.

Qaysi mavzulardagi adabiyotlarni kutubxonada qidirsa bo‘ladi?
Kutubxona fondida unversal,fan va texnikaga oid va barcha  sohalar bo‘yicha nashrlar bor.

Qanday nodir va noyob  nashrlar kutubxonada mavjud?
XVI-XX asrlarda chop etilgan nashrlar. Bular qo‘lyozmalar, sharq  litografiyasi, birinchi Turkistonda chop etilgan  jurnal va gazetalari, sharqshunoslar monografiyasi va ilmiy ishlari.  Jami qo‘lyozmalar xizmatida,  16 ming noyob va alohida qimmatga ega nashrlar mavjud.  XIX- asr boshi  XX asr qo‘lyozmalar, nodir va alohida qimmatga ega nashrlar fondi 200 mingdan ortiq.

Kutubxona qaysi chet el mamlakatlari kutubxonalari bilan axborot aloqalari o‘rnatgan?
Alisher Navoiy nomidagi O‘zbekiston Milliy kutubxonasi  quyidagi chet el milliy kutubxonalari - Polsha, AQSH, Yegipet, Eron, Latviya, Litva, MDH  davlatlari va boshqa davlatlar bilan faol ma'lumot almashadi.

Elektron katolog bo‘yicha qidirgan ma'lumotni qanday topsa bo‘ladi?
Foydalanuvchi adabiyot qidiruvini avtor, kitob nomi, kalit so‘zi bilan qidirish mumkin.

Elektron formatda qanday o‘zbek shoirlari, klassik yozuvchilarining asarlarilari mavjud?
Buyuk o‘zbek klassik yozuvchisi Alisher Navoiyning  to‘liq elektron  asarlarini olishingiz mumkin.

Kutubxona foydalanuvchisi bo‘lib elektron katolog va internetdan foydalana olmasa kimga murojaat etadi?
Foydalanuvchilarni elektron katalog va bazasi bilan tanishtirish va o‘rgatish kutubxona xodimlarining  ish vazifasiga kiradi.

Kutubxonada gazeta o‘qisa bo‘ladimi?
Ha. Kutubxonada O‘zbekistonda chop eiladigan barcha har kunlik va har xaftalik gazetalar hamda Rossiyaning bosma xolidagi gazetalarini o‘quv zallarida olib o‘qishingiz mumkin?

Yangi adabiyot va kitoblar
  • Yangi kelgan adabiyotlar (2016 yil 9-11 mart)
  • Yangi kelgan adabiyotlar (2016 yil 29 fevral – 5 mart)




 

natlib.uz Sizga manzurmi




Natijalar