Ma'lumki, bugungi kunda butun dunyoda iqtisodiy tanglik asorati kezmoqda, qolaversa, bozor iqtisodiyotiga o‘tish muammolari kishilarni bilib bilmay odam savdosi qurboniga aylanib qolishiga sababchi bo‘lmoqda. Hozirda dunyo bo‘yicha 128 million kishi shu ko‘chada azob chekayotgani ham fikrimizni isbotidir. Buning o‘ziga xos sabablari, bu ishga aloqador ba'zi nafsi hakalak otganlarning qilmishlari borasida qayta-qayta fikr yuritishga, odamlarni ogohlikka da'vat etishga to‘g‘ri kelmoqda. 
 

Bu borada respublikamiz korxonalarida, o‘quv maskanlarida tadbirlar o‘tkazilib zamondoshlarimizni xushyorlikka, mo‘may daromad ilinjida chet ellarga aylanma yo‘llar bilan borib, xor bo‘lmaslikka chaqirilmoqda. Ana shunday tadbirlardan biri 26 dekabr kuni soat 15.00 da Alisher Navoiy nomidagi O‘zbekiston Milliy kutubxonasida ham bo‘lib o‘tdi. Tadbirda O‘zbekiston teleradiokompaniyasi sharhlovchisi, O‘zbekiston Yozuvchilar uyushmasi a'zosi, shoir Nosir Muhammad,  shoir,  O‘zbekiston Yozuvchilar uyushmasi a'zosi, shoir Shukur Qurbonlar qatnashib mavzu bo‘yicha fikr yuritdilar. 
 

Anjuman so‘nggida tinglovchilarning savollariga mehmonlar javob berishdi va O‘zbekiston Milliy kutubxonasi videotekasi fondidan “Uqubat” badiiy filmi namoyish etildi.