2014 yil 22 sentyabr kuni Yoshlar ijodiyoti saroyida “Best Soft Uzbekistan 2014” dasturiy maxsulotlarning  UZ milliy domeni internet-festivali  bo‘lib o‘tdi.
Bu yirik festival sakkizinchi marta Markaziy Osiyo mintaqasida axborot texnologiyalari sohasida  o‘tkazilmoqda. Uning maqsadi keng omma va mutaxassislarni mamlakatimizdagi axborot texnologiyalari sohasidagi dasturiy ta'minot loyihalarni yaratish, ularni targ‘ib qilish va milliy kompyuter texnologiyalari sanoatini rivojlanish istiqbollari bilan tanishtirishdan iborat.
Mazkur Internet-festivalning tashkilotchilaridan biri bo‘lmish UZINFOCOM turli nominatsiyalar bo‘yicha www.uz domeni  ostida faoliyat yuritayotgan saytlar uchun “UZ milliy domenining eng yaxshi sayti” mukofotini ta'sis etdi.
Alisher Navoiy nomidagi O‘zbekiston Milliy kutubxonasining www.natlib.uz  sayti bu tanlovda “Madaniyat sohasidagi eng yaxshi sayt” nominatsiyasida uchinchi o‘rinni egalladi.